محتوى القصة
تعاشات لعشية وهي باقي فالدار وتلفون حلاقمو خرجو بصونيط وهي مشافتوش حيت خلاتو فالصالة...حلات عينيها وبدات تاترمش مرارا وتكرارا باش تحيد ضبابة ديال النعااس وناضت تاتشوف فلبلاصة لي هي فيه...ماشعراتش براسها وقتااش نعسااات وغير تفكرات راسها ناضت بزربة شادة كرشهاا وخرجات تاتقلب على تلفونهاا لقاتو نيت تيصوني بنمرة باها مع بغات تجاوب قطع وهي تشوف دوك لمكالمات الفائتة ودوزات ليه لابيل وغير تحل لخط نطق بسرعة وبنبرة باين فيها لخوف:فينك علاااش مكتجاوبيش على تلفونك شحال وأنا نصوني ليك ملي علماااتني مك راه خرجتي فالصباح وباقي مارجعتي وحناا نصونيو
رحيل:(بهدوء وصوت مبحوح بالرواح) أنا بخير مشيت لداري الجديدة وداتني عيني وماحسيتش بلوقت
إدريس:عطيني لعنوان نجي نجيبك
رحيل:بلاش أنا شوية ونجي غير ارتاح ابابا
إدريس:واردي لباال فالطريق وسوگي بشوية
رحيل:واخا بسلامة
قطعات وعيطات لتانيرت تاهي طمناتها عاد مشات لحمام غسلات وجهها وفمها وتوضاات وصلات...شافت فالساعة تمنية دليل ماعرفاتش علاش قال ليها قلبها تسنااي يقدر يجي وبالفعل علمات باها باش مايتشطنش عليها وكوموندات لماكلة حيت نهار كولو ماكلاتش فحسات بالدخة ديال الجوع وغير شربات لماا بالسكاار فاش حسات بالسخفة مع وصلاتها لماكلة طاحت فيها عمية... كلات وبقات جالسة تاتنسى سااعة سعتااين تاوصلات لحدااش والدار خااوية مافيها تاحس من غير حسهاا هي لي كل مرة تنهد...شافت فساعتهاا وناضت بهدوء وهي متأكدة بلي مغايجيش حيت مشى لحااال... مع وقفات تسمع صوت الساروت قلبها داااار بوووم وسط صدرهااا وبزربة خرجات لكولوار واقفة وعينيها معلقين على لباب لي الساقطة ديالو تاااضور همسات بخفوت:نوووح
ومجرد ماتحل لباب خاب ظنهاا فاس قشعات زين العابدين داخل لي تاهو هز حاجبو فاش شافهاا...بقاو بزوج بيهوم واقفين قباال بعضياتهوم وبيناتهوم مسافة لابأس بيهاا... تاكسر ديك لمسافة فاش قرب بخطوات بطيئة جهتها ويديه فجياااب القبية تاوقف قدامهاا وهي تنطق بصوت خافت:فين نووح؟؟
زين العابدين:(ببرود) مكاينش هنا
رحيل:(بلهفة) فين مشى؟
زين العابدين:(تخطاهاا ونطق بنفس النبرة الباردة كبرودة ديسمبر) ماعرفتش
تبعاتو رحيل وجراتو من دراعو تاضار هز فيها حاجبو وهي كمشات دوك لحجبان وخرجات فيه عينيها:نتااا عارفو فين كاااين باباك مولف تيقول ليك كلشي
زين العابدين:(بسخرية)ياك نتي مرتو علاش معرفاهش فين كاين؟؟
خنزرات فيه رحيل على ديك لقمعة لي عطاها وقالت مربعة يديها:كون كنت عارفة غاتلقاني واقفة قدامك تانسولك
زين العابدين:(حرك كتافو بلامبالاة) شغلك هاداك
طلع لفوق وهي بقات مخنزرة ومعصبة من ديك لبرودة باش كيدوي معاهاا..تبعاتو فلبلاصة وهي حاسة بيه هو لوحيد لي غايوريها بلاصتو تبعاتو لقاتو فلكوزينة كيشرب وقفات تاني عليه ونطقات: شوف ازين العابدين أنا عارفة بلي مكاتحملنيش وعند بالك جيت باش ناخد ليك بااك ولكن تيق بيا هادشي لي عمري نديررو (شدات فيديه وقالت بترجي)عفاااك قول ليا فين هوو؟؟
زين العابدين:(حط لكاس وشاف فيها) معااارفش بحالي بحالك بلاماتعيى راسك
رحيل:متيقتكش حيت نتاا عارف ومباغيش تقولي ليا حيت مكتحملنيش
زين العابدين:(الصمت)
رحيل:لقيت فبيتنا لاجوندا فيها تاريخ ديال السيمانة لي فايتة يعني هو كاان هنا وبيما أنك جيتي ليوم لهنا يعني غاتكون شفتيه
زين العابدين:داك نهار هوو مشى
رحيل:(بخفوت)شفتيه؟؟
زين العابدين:(حرك راسو باه)
رحيل:(بلهفة وعيون دامعة) مقالش ليك فين هو مشى ؟
زين العابدين:لا
سكتات وهي متأكدة بلي تازين العابدين مغايكونش عارف اه عارفااه ماعندوش معاها وبلي مكيهتمش ليها ولكن هو ماشي بلاقلب لدرجة ترغب فيه وهو يخبي...
رحيل:شنو قال ليك قبل مايمشي
سكت زين العابدين كيتفكر نهار جا باه عندو لصال وهضر معاه أو وصاه من تما قلع ومشافوش ولكن فديك الليلة نيت زين العابدين جاا لهاد الدار ولقااه كاين وفاش سولو على فين غايمشي نوح ماعطااهش راس لخيط ونفس لكلام قال ليه فالصبااح كررو ليه وصاه على قرايتو ومايديرش لمشاكيل وزين العابدين احتارم قرار باه وعارفو بلي مباغيش يدوي وتاهو ماحكرش مزاال...
ضار شاف فرحيل لي كانت مهمومة وساهية وخرج من لكوزينة مخليها واقفة فبلاصتها شوية خرجات وهي مقررة ترجع لدار...هزات مسائلها ومع بغات تمشي سمعاتو نطق ببرود:بلاتي
ضارت رحيل شافتو جااي جهتهاا وتخطااه وهو ناطق:أنا غانوصلك
سبقها حل لباب وهي تبعاتو ومقالتش لا...سد لباب وطلعو بزوج فالطوموبيل وهو لي ساگها ...غاديين فالطريق وهي ساهية وتاهو ساكت حرف هو لخر ماخرجش من فم تاواحد فيهوم تاوصلوها قدام دار ونزلو بزوج مد ليها الكونطاكط ومع ضار يمشي عيطات ليه:زين العابدين
ضار شاف فيها وهي تبسمات بخفوت:دخل تعشى
زين العابدين:لا شكرا
رحيل:(سبقاتو وقالت ببرود) دخل براكة من لبساالة (شافت فيه مكمشة حجبانها) فاش غايرجع بااك غانقول ليه بلي نتا مكاتسمعش هضرتي
هز فيها حاجبو بمعنى من نيتك وهي تبسمات وحلات لباب وقالت:باك مكيبغيش لي يخسر ليا خاطري ولاعرفك خسرتيه مانتا فخير..
خلات لباب محلول ودخلات وهو ضور وجهو كاعي من هضرتها لي نطقاتها بلعاني باش تخليه يدخل...استعملات أسلوب تهد'يد بباباه حيت عارفاه كيحتارمو ومكيقولش ليه لا وبالفعل دخل وهو عاقد حجبانو لقاها جالسة تتعاود ليهوم فين مشات غير شافتو وهي تبسم وقالت:زين العابدين غايتعشى معانا ليوم وغايباات حيت مجاتش يمشي فهاد الليل
سلم عليهوم بزز وجلس قدامها مربع يديه كيشوف ساكت ولاسولو إدريس كيجاوبو بكلمة ولازوج تقولي كيخلص عليهوم...جات لفاارة تاتجري وشعرها مطلوق طويل وشحال هادي ماقطعاتو شافت فزين العابدين وهي تبسم كان ضاير تايسمع لإدريس وماحس غير بشي يدين ضارو على عنقو وبوسة طبعات على حنكو ونطقات بصوت طفولي:حبيبي زينبيدين توحشتك
تبسمو ليها كاملين وهو هز حاجبو فيها وغير بعدات هز يديه مسح بلاصة لبوسة مكمش حجبانو...مشات عند رحيل وعنقاتها وقالت:مامي فين بابانو
شافت زين العابدين ورجعات شافت فرحيل لي تنهدات وتبسمات ليها بحنية: باباك مسافر امامي ديالي وباقي مجاش
سيدرا:(نطقات بتدمر وزعل) وابزاف امامي هو مشى بزاف دالنهارات
رحيل:(عنقاتها ونطقات) دابا يجي امامي دغيا دابا يجي
نطقات بديك لهضرة بحال لاكاتقولها لنفسها ماشي لسيدرا...ناضت تانيرت ولبنات يحطو لعشا وزين العابدين راه جالس على الشوك... تجمعو على طابلة دلعشاا مكبرين بيه ومكاتسمعي غير كول اولدي... زيد..خود...ماتحشمش.. وهو تاينزل دوك دغمات بزز وأخيرا تهنى وناض يغسل يديه باش يمشي مع خرج من لحمام لقى رحيل واقفة عليه بحال ملك لموت..
رحيل:(بهدوء) وجدنا ليك بيت ريان باش تنعس فيه وراه غاتلقى تم حوايج باش تبدل
زين العابدين:(ببرود) عدبتي راسك أنا غادي
رحيل:فين غاتمشي وهادي لوحدة دلليل نتا غاتبات هنا غدا فالصباح سير (وقبل مايهضر نطقات باستفزاز) راه بااك لاعرفك ماسمعتيش لهضرتي غايتعصب عليك
زين العابدين:(زير على يديه وقال بصوت قاصح) أنا ماشي ولد صغير وهاد لهضرة لخاوية ماتصلاحش ليك معايا
رحيل:(مدات يديها وجراتو من ودنيه تاهبطات ليه راسو وقالت بهدوء) سمع اداك بورااس هضرتي قلتها ولباب طرقتو لابغيتي تمشي طيح من السطح ولامن شي شرجم(باستو فحنكوو وتبسمات) تصبح على خير ابورااس
خلاتو كيشوف فيها شوفات نارية مد يديه تيمسح حنكوو ودخل لحمام بنرفزة تايمسح بلمااا محاملهاش تقيسو وتبوسو ولي معصبو كتر كيفاش تتعامل معاه وباغا صحة يهضرها نزل لجهة لباب وبلفعل لقاه مسورت بان ليه ريان ونطق ببرود:حل لباب
ريان:(هز يدي وحدة لفوق وقال) والحكووومة حكمااات وخووك غير درويش ماباغيش يجيبها فعظاامو اجي نوريك بيت فين غاتنعس
طلع ريان تايضحك وزين العابدين طرطق عنقو وطلع تابعو وهو كيحاول يكالمي راسو من استفزاز رحيل ليه...وراه لبيت وسد لباب وهز تلفونو وهادشي لي بقا لقاه ديشارجاا لاحو بنثرة وجلس ناطق بصوت مبحوح:اش هاد لقل*اوي
أما عند رحيل فكانت بدلات حوايجها ببيجامة دنعاس وجلسات قدام مرايتها كادير روتينها الليلي... رشات ريحتها الخفيفة لي مولفة كاديرها فاش كاتبعي تنعس وناضت بكروشتها لي باينة منفوخة من ديك لبيجامة لمزيرة لي لابسة.... قربات جهة سيدرا لي كانت باقي حالة عينيها تاتشوف فتلفون رحيل لي حيداتو ليها وقالت بهدوء:يالاه وقت النعاس امامي
سيدرا:مامي مافياش النعاس
رحيل:(تكات جنبها وجراتها جهتها) نغمضو عينينا ونقراو شوية دلقرآن وغانعسو دغيا يالاه
بالفعل بدات رحيل تاتقرا السور القصيرة لي كانت سيدرا حافضاهوم وبلاصة ماتنعس سيدرا نعسات رحيل وبقات لبخوشة حالة عينيها ساكتة وفاش مجاهاش نعاس ناضت من حدى مها وخرجات بالسكات مدايراش لحس...بدات تاضور راسها يمين وشمال ومع كانت اتنزل عند جدها قلبات ضورة لبيت ريان وحلات لباب بان ليها زين العابدين جالس فبلاصتو...ضور راسو وغير شافها زفر النفس وهي قربات جهتو ونطقات ببرائة:واش تانتا مافيكش النعاس؟
زين العابدين:(الصمت)
سيدرا:(جلسات جنبو وقالت وهي هازة كتيفاتها) انا توحشت بابانو بزاف زينبيدين
ضار شاف فيها وهو مخنزر من ديك لكلمة دبابانو لي مكيحملش يسمعها من فمها حيت تاتنرفزو وتعصبو
بقات تادوي وهو مكيجاوبهاش واحد لعقل تيقول ليه هزها لوحها من الشرجم وتهنى ناضت سيدرا وقفات قدامو وقالت بحماس:نغني ليك زينبيدين(ماتسناتش يجاوبها وهي بدات تغني بصوت طفولي حلو وزوين) هااا عيونو كيشان فمو خاتم لون قهوي على زينبيدين كاندوي...
تاتغني وضرب بشعرها وتبدا تحرك فديك لقزيبة زعمة كاتشطح و كاتشوف فيه وتكركر عاجبهاا لحاال ديك الأغنية لي حفظااات جاات غناتها ليه... أما هو بقا تيشوف فيها هاز عاجبو وهادشي لي كان ناقصو تجي تفرع ليه مخو وتبقا تنقز عليها هنا بحال لگلية... زفر النفس وقلب وجهو وهي عوجات راسها وطلات عليه تاترمش بعوينات الببوشة ونطقات ببرائة:عجباتك ياكا
زين العابدين:(خنزر فيها ونطق ببرود) سيري لبيتك
سيدرا:(حركات كتيفاتها) مافيااش نعوسات نبقا معاك
جلسات حداه وهو ناض من بلاصتو غادي جهة الشرجم حلو وبقا واقف مخلي البرد كيضرب فيه... وهي بقات جالسة بلاصتها حاسة بلملل ناضت جهة المجر لي فلكومودينو حلاتو وكيف توقعات لقات فيه الشكلاط لي مخبي ريان ليها... هزاتو وقربات جهة زين العابدين ونطقات:بيتي شكلاطة
شاف فيها بجنب عينيه ورجع كيشوف قدامو وتاهي ماعاوداتش هضراتو مشات وبدات تتاكل فداك الشكلاط ضربات نص ديال لبكية وتسطحات فوق النموسية وجناب فمها فيهوم شكلاط بدات تتاكل اخر قطعة وغير سالاتها وهي تفوه فاش حسات بنعاس جاها...غمضات عينيها ونعسات بهدوء بينما هو بقا واقف فبلاصتو محاسش بلبرد لي تيحرك فشعرو وتيضرب فوجهو...سمع حسها تقطع وضار بانت ليه مشبحة فوق النموسية والباكية دالشكلاط فيديها وناعسة على ضهرها حالة فمها تاتسمع شخيراتها الصغاار...قلب عينيه عليها وتاهو جاه النعااس حيت الصباح فاق بكري...تفوه وسد داك الشرجم وقرب جهة النموسية كيشوف فيها فين غاينعس دابا وهي شادة النموسية كلها مد يديه وكحزها تابعدات لجنب علاين طيح وتسطح فالجنب لاخر ساد عينو...
عند رحيل ضرباتها لفيقة بااش تمشي لطواليط مع حلات عينيها لقات بلاصة سيدرا خاوية كمشات حجبانها وبدات تاتحك عينيها وناضت تاتلبس بانطوفتها...مشات لطواليط هو لول عاد مشات لبيت محمد طه حلاتو باش تشوف واش نعسات تم ساعة مالقاتهاش...قلبات بيت رنيم وتابيت أسماء مبانتش ليها قالت مع راسها غاتكون نزلات عند إدريس حيت تاديرها بعض لمرات...مع جات ترجع لبيتها وهي تشوف فباب دبيت ريان فين ناعس زين العابدين وهي تكمش حجبانها فاش تفكرات نهار لقاتها ناعسة عندو وبلاتردد حلات لباب وبان ليها زين ناعس عاطي بالضهر جهة لباب بلاغطاا وناعس فالجنب وسيدرا ناعسة فالجنب لاخر تاهي بلاغطا ومعنكشة فنعستهاا...حركات راسها ودخلات جهتها بغات تهزها ساعة ماتقدرش مع كرشهاا وغير قاداتها فبلاصتها وجبدات لغطا غطااتهوم بزوج وزين العابدين غير حس بلباب تحل وهو يفيق مع نعاسو خفيف بزاف ولكن ماحلش عينيه وبقاا مغمضهوم...حس بلغطا تتقادو على كتافو مغطياه شوية حطات يديها على شعرو ولمساتو بحركات خفيفة عاد خرجات من لبيت بشوية مخلياه يحل عينيه ويضور جهة لباب لي تسد يشوف فيه بانزعااج...مد يديه وخربق شعرو كيف كان عاد رجع حط راسو فوق لمخدة ونعس...
شميشة لي داخلة من الشرجم عنكشاتو وخلاتو يحل عينيه عاقد حجبانو كاااعي...هز راسو من فوق لمخدة كيشوف فسيدرا لي ناعسة تحت باطو وشعرها كولو مليوح على وجهها مخبل...زفر بغيض وناض تيحك عينيه لبس عليه فرجليه وخرج من لبيت غادى لحمام غسل وجهو ونزل نيشان لباب ديال الدار لي لقاه محلول بحكم إدريس ناض صلى لفجر...حلو ومشى فحالو بدون مايفيق تاحد ولايهضر مع شي حد...
كانت تانيرت فلكوزينة تاتصاوب لفطور تاسمعات حس لباب وهي تخرج تشوف شكون فاق ساعة مبان ليهاا حد طلعات لبيتها لقات إدريس باقي ناعس ورجعات تاتكمل لفطور تانزلات رحيل تاتفوه ونطقات:صباح الخير اماما
تانيرت:صباح لخير ايلي "ابنتي"
رحيل:باقي مفاق حد؟؟
تانيرت:لا راك عارفة ليوم الأحد وكلشي كيصبح خاامر هههه ولكن قبيلة سمعت لباب عند بالي راه باك فاق ساعة باقي ناعس
رحيل:اممم خصني نمشي لمحال ليوم
تانيرت:تال لعشية ونمشيو ونيت نمشي معااك تاأناا
رحيل:واخا اماما نمشي نشوف سيدرا واش فاقت لبارح بليل لقيتيها ناضت من حدايا ومشات لعند زين العابدين نعسات عندو
طلعات تاني رحيل لفوق وهي تاتلهث مع دروج والتقل تاوقفات قدام لبيت دريان حلاتو وهي تهز حجبانها فاش لقات بلاصة زين العابدين خاوية وعرفاتو غايكون مشى...حركات راسها وقربات جهة سيدرا وجلسات ونطقات بهدوء:تاااهو مشى...
فدار لي كارية ميس فمراكش كانت جالسة وحاطة تلفونها فوق الطبلة...تترعد فرجليها وتسوط كيف اللفعة معارفااش واش رنيم غاتقبل هضرتها لي قالت ليهاا ولا غاتصدق قايلاها ليهوم...هزات من جيب صاكها باكية دلگارو وبريكة شعلاتو ونثرات منو الجبدة لولة مخرجة الدخان من فمها...سمعات تلفونها صونى وهي تلقاها نمرة ديال صاحبتها لي كانت معاهاا فالح'بس ولي كانت ساكنة معاهاا...
ميس:الو فينك؟
ص:راني واقفة قدام لمحاال مكاين تاشي جديد
ميس:باقي مجات؟؟
ص:لا باقي واقيلا مغاتجيش راه تا لبارح بقيت عاسة هناا تاسدو ومجاتش
ميس:(بسخرية) بالسييف مالها غاتلقى داك الخيير وتمشي ضرب لكرفي
ص:بلاتي بلاتي واحد طوموبيل وقفات قدام المحال
سكتات ميس وصاحبتها بقات تاتشوف فطوموبيل رحيل لي نزلات منها هي وتانيرت... شدات فيه ودخلو لمحال عاد كملات لخرى هضرتها:راها جاات هي وشي مرا
ميس:غاتكوون مهاا مهم عينيك ماتحيديهااش من عليها واخا وباشما كان علميني
قطعات عليها ولاحت تلفون وهزات داك لگارو تتكميه وهي غادة جايا فالصالة... من نهار قررات تحط رجليها فهاد لمدينة وهي تاتخطط وتفصل لداكشي لي باغا دير...
مغاتنساش نهار مشات لداخلة عند بدر باغا طلب منو شي فلوس تعاون بيهوم راسهاا بحكم مكان عندها تاريااال وغير صاحبتها لي تاتصرف عليها وماتنكرش لفلوس لي كان عطاهاا علي ديك لمرة طباتهوم ودابا باغا فلوس خرين...
🔙🔙
وصلات لدار لي شحال هادي ماحطات فيها رجليها ولقات تما غير إليااس لي استغرب من شوفتهاا..
ميس:باغا نشوف بدر
إلياس:مكاينش هنا ضربتي طريقك على لخاوي
ميس:سمع اإلياس ضروري خصني نشوفو محتاجااه
إلياس:محتاجاه حيت باغا فلوس؟؟
مجاوباتوش بقات غير ساكتة وهو كيشوف فيها شوية تبسم وقرب جهة وجهها مد يديه باش يزول داك الشال وهي تبعد بخطوة لور وخنزرات فيه وهو ينطق ببرود:دابا عند بالك لاوقفتي قدام بدر الدين وطلبتي منو لفلوس هو غايعطيك ههه مكلخة هو أصلا حاقد على زا*مل بووك ولاشافك قدامك غايتبعك لخووك
ميس:ماشغلكش أنا عارفة شنو كاندير
إلياس:دابا نتي باغا غير لفلووس حالهوم ساهل نعطيك شحاال مابغيتي نتي غير طلبي
ميس:(هزات حاجبها وقالت ببرود) عشرة دلمليون
إلياس:جاااتك الالة ولكن بشرط طبعااا
ميس:شنو هوو
إلياس:(طلعها بنظرات ماكرة ونطق) نح*يك
سكتات ميس كاتشوف فيه وهو بقا واقف فبلاصتو متبع ليها الشوفة... تاسمعها قالت ببرود:واخا مي اناخدهوم هو لول
إلياس:ماقلتي عيييب
ميس:سربيني ممساليااش
طلع لفوق وهي تبعاتو تابان ليها مشى لبيرو بدر الدين شوية تم راجع جايب معاه بريكات دلفلوس زرقة على ختها حطها ليها فوق الطبلة وقال:عشرة دلمليون حسبي لابغيتي تأكدي
ماعطلاتوش مشات تاتحسب وهو واقف تايسوط تاسالات وبغات تهزهوم وهو يشد يديها ونطق بسخرية:ماشي بهاد السهولة ديري خدمتك باش تخلصي
جرها معاه تاطلعها لوحدة من لبيوت لي تم دخلها وبدا كيزول حوايجو وهي تاتشوف فيه تاسمعاتو قال بسخرية:مكاين لاش نوريك خدمتك راك عارفة اش غاديري
خنزرات فيه وزولات الشال تبانت ليه الضربة لي غطاتها بشعرها طويل وبدات تزول فحوايجها قطعة بقطعة تابقات قدامو عرياانة وهو كيطلع فيها الشوفات وتيقيمها بنظراتو الماكرة... قرب جهتها ونطق بأمر:هبطي على ركابيك
نفدات هضرتو وعرفاتو اش باغي وتاهي
ماعطلاتووش... شد ليها شعرها بيديه بالجهد تاغمضات عينيها مقصحة وماحنش فيه نهائيا... حسات براسها تخنقاات وهو تقول واش بعد حاس بالنشووة حاليا وكان تيرضي رجولتو ممسوقش ليها...طاحت جنبها وهي باغا ترد تاسمعاتو قااال بأمر:سرطيه
كرزات على يديها وسرطاتو بزز وهي حاسة بالتقيااا...مكتافااش تماا وبالنسبة ليه هاديك غير مقبلات وبالفعل ماطلقهااش نهائيا وماارس عليها بكل عنف بحالها بحال دوك لقح*بات لي مولف يجيبهوم يونسوه فلياليه...أما هي فكانت حاسة بتحتها كيوزوز رجليها ماقدراش تجمعهوم وجسمها كولو مضروب تامن وجهها لي يبس فيه الدم...نايضة بزز وهي حاسة بعضامها كيضروها ضورات عينيها تتقلب على حوايجها وبدات تلبس فيهوم قطعة بقطعة ولاحت شال على وجهها مخلية غير عينيها فقط ومغطية ديك الشوهة...خرجات جهة الطبيلة لي فيها لفلوس لقاتهوم باقين محطوطين هزاتهوم حسباتهوم تاني لايصدق محيد شي حاجة حيت مافيه تقة عاد نزلات مخبياهوم وخرجات من تم بلاماتقلب عليه فين مشى أما هو فغير قضى لغراض مشى دوش ورجع لبيرو بدر شاد فيه كويس وشافها فاش مشاات وهو يضحك بسخرية وقال:قح*بة
وصلات ميس لكازاا لغد ليه وهي باغا تموت بالعياا مع دخلات شافتها صاحبتها وهي تشهق مصدومة فحالتها ولخرى مشات نيشان دوش باش تحيد عليها لجنااابة عاد نعسات بلاماتسوق لشي حاجة وغير فاقت شافت وجهها كيف رجع وماتسوقاتش لمهم عندها جابت لفلوس لي غاتحتاج باش تبدا تنفد لخطة ديالها...
🔜🔜
شحال وهي تخطط وأول خطوة دارتها شرات طوموبيل على قد لحال باش تحرك بيهاا..وبقات تاتعس قدام دار واليدين إسلام كل نهار بدون ملل تانهار بانت ليها طوموبيلتو داخلة لحومة... كان جاي يشوف مو كيف عادتو وغير مشى تبعاتو بدون ماتخليه يحس بيها تالقات فين ساكن فمراكش وتما بقات تاتبعو تاني تاعرفات دار إدريس... كرات دار على قد لحال وجات هي وصاحبتها لي مبغاتش تخليها حيت محتاجة تعاونها...وخلاو دار كازا واستاقرو بزوجات تم وصاحبتها خدامة تاتصوڤي راسها حيت دوك لفلوس لي كانو عند ميس راه مبقاش ليها فيهوم بزاف ويساليو...
ميس:(تمتمات بحقد) غير بلاتي ارحيل لانتي ولاعائلتك كلكوم مغانخليكومش على راحتكووم
-----
كانت حاسة بلملل وهي غير فدار بحكم أنها جلسات من لخدمة وتالخروج مبقاتش تاتخرجو بسباب وليد.. نزلات لتحت وهي ناوية دير شي شهيوة لكاسكروط تاسمعات دقات فلباب وهي تمشي تحل وإذا بيها كاتلقى زهرة مرات سليمان عم نوح وعروستهاا...استغربات وهزات حاجبها ونطقات ببرود:مرحباا
دخلو وهي تتسائل علاش جاو وهوما عمرهوم داروهاا رحبات بيهوم ومشات صونات لرحيل علماتها باش تجي أو وجدات ضيافة وداتها ليهوم
زهرة:(تاضور عينيها ونطقات بتبسيمة صفرا) رحيل مكاينااش هناا
أسماء:مشات لمحال ديالها وتانتوما ماعلمتوهاش واش غاتجيو
زهرة:اوا كنا غير دايزين وقلنا نجيو نشوفوهاا
أسماء:امم اوا مرحبا بيكوم
بقات معاهوم وبزز باش عطاتهوم صواب تاجات مها ورحيل لي مفاهماش هادو اش كيديرو هنا مانساتش شنو طرا اخر مرة ولهضرة لي خرجات من فامهوم عليها وعلى راجلهاا وعلى عائلتو...
زهرة:عارفااك ارحيل هازة من جهتنا على ماطرا ديك لمرة ولكن الغالب الله كل عائلة عندها مشاكيل وتاحد ماخطاوه (شدات يد رحيل وتبسمات ليها) بغيتك ابنتي تسمحيليا أنا وعروستي وتنسااي مافات
رحيل:(ماتكدبش بلي مارتاحتش ليهوم ولكن ماشي هي لي تجري على ضياف) السماحة طلبيها من لي جرحتيهوم وقللتي منهوم اخالتي
زهرة:اييه اييه راني ناوية وجيت لعندك باش نطلبهاا منك نتي لولة
تانيرت:(بصواب) الله يدير لي فيها لخير مرحبا بيكوم
ناضت تمشي توجد لكاسكروط ومعاها أسماء ورنيم يعاونوها ورحيل بقات معاهوم...زهرة بوحدها لي تادوي أما عروستها مانطقاتش وفيما تشوف فرحيل تميقها وضور عينيها وتبسم بسخرية ورحيل عاقت بيها ومع دلك مقالت والو...أصلا حسات بلي مجيتهوم وراها شي حاجة عمرهوم جاو عندها من نهار تزوجات نوح اش طرا تاجاو ليووم...
زهرة:(بقات تاتبحلس وتهضر بصوت خافت) مانكدبش عليك ابنتي والله تامن نهار سقت لخبار وقلبي مقبوض علياا كانخمم فيك نتي وفدوك التيلاد لي فكرشك مساهلش هادشي لي طاري ولكن ماعندك ماديري ربي حللو وأي رااجل لاباغي يدير تعدد راه من حقو
رحيل:(شافت فيها ونطقات بعدم فهم) اش باغا تقصدي بكلامك
زهرة:ملي غانبدا ليك ابنتي ولكن من حقك تعرفي وماتبقايش فدار غفلون ربي شااهد عليا مباغاش ليك لمضرة وعليها جيت نعلمك بلي لماا دايز من تحتك وبلي راجلك جايب عليك الضرة...
الله ينجيك من النوع ديال النااس لي كيحقدو ولي كيرميو سمهوم ويبخوه فوجهك أومور ضهرك... على أساس راه باغي ليك لخيير وهو راه نيتو ربي عالم بيها... كيدخلك بضحكة صفرا وهو راه الشيطان يوقف ويصفق ليه على نفاقو لي فيه... زهرة نيتها مكانتش طلب السماحة ومجيتها باش تلوح لهضرة وتوصلها لرحيل... لي كانت جالسة قدامها تاتشوف فيها بشوفات ممفهومينش وهادشي خرجاتو من فمهاا فاش سولاتها:اش كاتقصدي بكلامك ؟ على اشمن ضرة كاتهضري؟؟
زهرة:(تنهدات ودارت فيها راها هازة ليها الهم) اوا اش غانقول ليك ابنتي عارفة هاد لهضرة غاتجيك فشكل ولكن لي كاين گلتو ليك لهضرة راه واصلة تاال عند عگوزتك وراها سايقة لخبااار ولكن بالسيف مغاتقولها ليك وتسكت حيت لقضية فيها ولدهاا..
رحيل:(كمشات حجبانها وقالت بهدوء) وضحي هضرتك وبلاهااد لألغااز
زهرة:گالو ليك ولد الحاج راه تزوج والناس شافوه هو وياهاا وهادشي علاش السيد غبر حيت مباغيشاااي يقولوهاا ليك ومخبينها عليك ولكن أنا حسبتك بحاال بنتي ومابغيتشاااي تبقاي فدار غفلون وجيت نگولها ليك وربي شاهد على نيتي
رحيل:(قهقهات بسخرية)حسباني بحال بنتك ههه على من كاضحكي واش بنت ليك كانرضع صبعي ولاكانلوح حوايجي فالزنقة بااش ضحكي عليا بدوك زوج هضرات
زهرة:حشومة عليك ابنيتي على هاد لكلام أنا جيت وقصدتك باش نحل ليك عينيك ونفهمط ونتي سايرة تعايري فياا
رحيل:(ضارت جهتها تقابلات معاها وقالت بجدية) شنو بيني وبينك باااش قلبك يضرك علياا وتجي تقولي ليا هاد لكلاام هااا
حكيمة:(ملي جاو وهي ساكتة ولأول مرة تهضر وبطريقة منفخة) اوا هادي هي لي تيقولو عليها دير لخير مايطرا بااس خالتي جاات تعلمك وتوگضك ونتي كاتسمعيها لكلام (شافت فزهرة وقالت) شفتي اخالتي شقلت ليك ولكن نتي مباغاش تسمعيني قلت ليك سكتي ومادخليش
زهرة:(خنزرات فيها) ويلي حشومة ابنتي نبقا ساكتة ونخليهوم يضحكو عليها هادي ماشي من فعايلي
رحيل:دابا نتوما عند بالكووم أنا متيقة هاد سكوندال لي دايرين بزوج؟؟ عند بالك لاجيتي قلتي ليا راجلك جايب الضرة غانتيقك؟؟
حكيمة:تيقي ولاماتيقيش شغلك هاداك حناا درنا لي عليناا (وبمعنى) وزايدون ماتيقيش بزااف فراجلك وماتنسااايش بلي الرجال مافيهوم تقة
رحيل:(تبسمات ليها ببرود) هاد لكلام قوليه على راجلك احبيبة لي جاالس يتفرج فتصاور دعيالات الرجاااال أماا راجلي عاارفاااه اش كيسوى
حكيمة:(مرضاااتش وحسات بيها قمعاتهاا وتاهي قررات ترد ليها لجواب) لااحبيبة باان ليا باقي معاارفااش اش يسوى
زهرة:(نهضات فعروستها) حكيمة هنينا ويلي (شافت فرحيل) صعيب تيقي ومن حقك ولكن التقة الزايدة راه خايبة ابنتي
رحيل:شكون كايهضر وحدة لي ماخلات ماقالت على عائلة راجلها ولحقد لي هازة فقلبها خواتو كااامل داك النهار قدام لعائلة كلها بلاماتحتااااارم لاكبير لاصغير ومحترماااتش الطعاام لي مشاركين
زهرة:يااااك هادا هو لمضمون فيك جاايين نوعيوك ونتي تعايرينا فوجهناا
رحيل:توعيوني ولاباغيين تلوحو السوسة بااش تشمتوو وزايدون قلت كلمة لعيب نسيتي كلااامك نهار الصدااقة ماخليتي تااالميت لي فقبروو وجبدتيه بلعيب وغاتوحلي مع الحيين... (خنزرات) عند بالك راني متيقة لكدبة ديااالكوم بلي جاااين طلبو السمااحة ومني انا لي يالاه جييت لعائلة وبااقي جديدة فيهاا فين عمركوم هضرتووووني ونهار لي عرفتوني حاملة ماخسرتو تاتلفون بااش تباركو لياا ودابا جااايين نتي وياااها عند باالك راني مطنگة وخبز ربي فطبگو لاقلتي ليا شاا شااا را را اااافيقي الشريفة رااني من الصبااح عايقة وفايقة بيكوم وعارفة نيتكوووم وشفت كلشي بعيني كلامك وطريقتك لي تصرفتي بيهاا داك النهار لانتي لاعروستك ولاولدك خلاوني نعرف طينتكوووم ومغاتجيوش تكدبو عليااا بزوج كلماااات وتهضرو على راااجلي بلعيييب ونبقاا ساكتة
حكيمة:(خنزرات وناضت واقفة وبدات تهضر بالجهد) اواااا حدك تم من الصباااح ونتي جالسة تعاايري فينااا ياك شي باااس مكااين
كانت جايا تانيرت جايبة الكاسكروط تالقات لخرى واقفة حاطة يديها على خصرهاا مخنزرة فرحيل لي تاهي ناضت ليها وكانت فاصلاهوم غير الطبلة
رحيل:(بصرامة)صوووتك ماتعليهش علياا وحتااارمي راااسك راكي مجالساااش فحمااام وهضرتي لي قلت كلها مغاتكدبينيش فيها النااس كاملة عارفة طينتكووم بقااات فياا أنااا وزايدون نتي لي جااالسة تحلي عليا فمك هنا سيري حضي غير راجلك لي تايلووح البااطل على النااااس عند بالو الرجلة هي هادي ساااعة ولد لحاااج عطاااه علاش تايقلب وسيفطو يسلم على لفرمليااات والطبة
زهرة:(غير تجبدات سيرة ولدها وهي تقلب وتاهي ناضت) بزاااف عليكوم ولدي سيدي عاادل الله يخليه ليا ولولادوو وداك ولد لحااج كون كان فيه خيير كون شفتيه نتي
رحيل:(خنزرات فيها وكون مكانتش مرا كبيرة كون ريشاتها) شللي فمك بالسمن ولعسل ولمااا دزمزم فااش تبغي تجبدي سيرة ولد لحااااج لي فاااقصكوووم (طولاتها وبركات عليها) راااااجلي ماااحدكووم حاضينووو وربي عاااطيه من عندو لاكااان فيكووم شي مرض سيرو داويوه لانتوما لادااك ولدكووم..
لبنات واقفين مضهشرين وتانيرت تاهي لي شادة دااك الصينية تاضور عينيها معارفااش اش واقع ليهوم تابداو بلكلاشاات..
عند بالهوم راها حيط قصير ولاقالو ليها ديك لهضرة غاتبكي وتيق ساعة مع من جاااو مع وحدة عاشرات أحقر أنواع البشر تاولاو الناس بحال زهرة وعروستها كيجيوهاا شي حاجة عادية... ماسكتاتش ليهوم وديك لهضرة لي كان عليها تخرجها نهاار الصدقة فاش سمعاتهوم هضرو عليهاا خرجاات ليووم وهي واقفة تاتشوف فيهوم وعينيها تايخرجو الناار فشوفاتها ليهوم...أسماء بقات مربعة يديها تاتفرج بحال راه كاتشوف شي معاطية فلحمام وتانيرت مادخلاتش يادلي...هي عارفة بنتها مغاتنوضش ودوي تايكونو هوما خرجو بلعيب...
حكيمة:(تبسمات بسخرية) اييه زيدي اش مزال مخبية تانتي طلعتي مساهلاش
رحيل:لي قليل الأداب بحالكوم يستاااهل ماكثر مني حمدلله واليدياا علموني نحتاارم لي كبر مني وعلموني مانسكتش على حقي ولي جبدني يلقااني ماشي بحالكوم نتومااا لي جااين تلوحو الباااطل على رااجلي
زهرة:اوا خليك دمدومة وراجلك لي فرحااانة بيه دابا يخوورك ملي تعرفيه اش كيسوى
حكيمة:(ضحكات تاتفقص فيهاا) منااافق عندو زوج وجووه وعاايش غير فالح'رام ومكفااهش جايب تاولد لح'راام ومدخلو لعائلة ونهار راجلي دوى وبينو على حقيقتو وعرى ليه وجهووو ضربووو
رحيل:(غوتات وقربات ليها ناوية ليها على تريشة) نتومااا لي ولاد لح'رااام لي كاتنممو فالناااس وتهضرو عليهوم بلخااايب (شداتها تانيرت وغوتات) طلقي ااااماما زين العابدين ماتوصلو ليه تافضفروو قاااليك ولد لحراااام راه ولادك هوما ولاد لحرااام حيت نتي مهوم وداك الشماااتة باااهوم
زهرة:الله يقلل حياااك الكلبة
تانيرت:(خرجات عينيها كيف اللبؤة ملي تتقيسي ولادها وقااالت) بزااااف عليك شكايسحاب ليك راااسك مدخلينك لدار تعايري فيناا زوينة هااادي اسمعي نتي ويااهاا بنتي وراجلهاا بزاف عليكووم سمعتوو وداك لحسد لي فيكوم من جهتهوم هوما لي مخليكووم مامطفرينوووش حيت ربي عارف لي قلبو كحل وكيعطيه على قد نيتوووو
رحيل:قلتي كلبة اجي نوريك لكلاب اش كيديرووو اكبيرتهوووم
جراااات حكيمة من درتها تاهبطات ليها راسها وغفلاتها ونسات راه حاملة وكرشهااا كبيررة ولخرى بدات تضرب بيديهاا وأسماء طارت شداتها باش ماتفوتش دقة لرحيل فكرشهاا وزهرة بغات دافع ساعة تانيرت وقفات ليها فالطريق تاهي وبقات مني منك ورنيم معاونة لبنااات على حكيمة لي مرمداتها رحيل بالدق... الغوات والصداااع تايتسمع دخل إدريس تاوقف مضهشر وعينو على الروينة لي دايرين ليه فالصالة تم والطبلة لي فيها الضيافة تشتت داكشي فوق الزربية... قرب جهة رحيل نيشااان جرهاا وهي كاترطى كلهااا حمرة وكرشها راه عاطياااه واحد لحريق ولكن دوك الأعصااب لي فيهاا ماخلاوهااش تحس...
رحيل:(تاتغوت تاصوتها تبح) خرجووووو عليااا الله ينعل أصلكوووم ابناااات لحرااام وقبل ماتحلووو فمكوووم على نوووح عرفوو بلي مرتو هنااا وعمرها تخلي شي فم خااانز يتحل عليييه ولاعند بااالكوم راه غانتيق لكلام فهاااكي نتي وياااها (صبعات ليهوم ونسات باها لي شادها وهو باقي مضهشر)
تانيرت:خرجووو عليناا ورجليكووم ماتعاودوش تحطوهااا هنااا الله يقلل من مثالكوووم
كادفع فيهوم وحكيمة وزهرة مارضااوش وتاأسماء ضور ضور وتصليها مع لخرة فضهرها...مرمدوهوم دبصح وخرجو حالتها حكيمة شعرها مشنتف ودرتها محلولة وزهرة باغا تبخ السم سدو لباب بالجهد عليهوم وإدريس حمر الشوفة فرحيل ونطق:هنينااااا
طلقهاا وهي جلسات تاترد النفس ودوز يديها على كرشهاا وتعض على سنيهاا تابانت ليه تانيرت وهو ينطق بصوت قااصح:اش هاد الشوهة دايرين ليااا هنااا
تانيرت:الشوهة هي لي دارو دوك لكلبات جاااييين بلاحشما يعايرو فبنتي فقلب دارهااا ماخلاو مقااالو عليها وعلى راجلها
رحيل:(شافت فيه وعينيها حمرين) واخا داكشي لي دااارو فالصدقة دبات نوح الله يرحموو حلينا ليهوم باب دارنا واستقبلناهوم وهوما بداو يقللو الاحتراام عليه وعلينا وجاايين يقولو ليا راجلك جاايب ضرة
أسماء:بنات لحراااام هادوك ابابا
سرسبات ليه كلشي داكشي لي حضرات ليه وتارحيل قالت شنو كاااين وهو ففمو غير لاحول ولاقوة إلا بالله تااضور عيينو جهة رحيل لقاها تتوجع فصمت وقرب جهتها بخوف قال:مالكي ابنتي؟؟
رحيل:(عاضة على شفتها والوجع صافي هلكهاا) مبقيتش قادرة حاااسة بلوووجع ااااااااااااي.....
مع لغوتة لي غوتات طارو لعندها كاملين تيسولو فيها وهي حانية راااس تاتوجع وربي لي حاس بيهاا... هزها إدريس وماتسنااش مزاال غادي بيهاا لكلينيك وهو خايف عليهاا... مشاو كاملين مخلين ريان ناااعس معايقش بشنو طاري فالدار وسيدرا راها مع محمد طه خارجين... وصلو لكلينيك دخلوها وباها غادي جاي وتانيرت جالسة تاترعد رجليها ودعي مع بنتها..
أسماء:(بحقد)الله ياخد فيهوم لحق هادشي علاش جااو يمرضووهاا فصحتها
تانيرت:بنتي فيما مشات تتلقى لفاعي ضايرين بيهاا
أسماء:كنت عارفة مجيتهوم مافيها خييير
إدريس:هنيونا دابا صحة بنتي وحفااادي هي لمهم عندي من كلام نااس وفعايلهوم
أسماء:راه كلنا ابابا هازين ليها لهم ولكن راه عيقوو دوك النااس الله ياخد فيهوم لحق..
سكتو كايتسنااو شي خباار تاجاات طبيبة لي فحصااتهاا ونطقات: المريضة تعرضات لضغط نفسي وهادشي لي خلااها تحس بلوجع حنا ديما كانصحو لحامل تبعد على ستريس والأعصاب على قبل صحتها وصحة البيبي...لمدام هي أصلا عندها الأعصاب فالمعدة على ماقالت لينا وهادشي راه خطر على صحتهاا وخصوصا هي حاملة بتوأم ويقدر لاقدر الله يوقع ليها إجهااض لعاودات تعرضاات لشي ضغط مرة خرى حاليا غاتبقا معاناا فلكلينيك واحد لفترة على ماترتااح ونراقبو وضع التوينز ونطمنو عليهوم وديك الساعة فاش غاتخرج غاتبقاا واخدة احتيااطها وغاتقل من الحركة تاتولد حيت حالتها شوية حساسة وماخصش تنوض من فراشها الالضرورة تقدرو تشوفوها دابا ومن الأحسن كيف قلت تبعدوها على أي حاجة تعصبهاا...
ملي قالت كلامها زادت خلعاتهوم وتانيرت من قلبها تادعي فزهرة وعروستها ربي ياخد فيهوم لحق على هاد لحالة لي وصلات ليها بنتها ولي فكرشهاا...كانت فبيتهاا متكية على ضهرها بلبسة دلكلينيك ودايرين ليها بوني لشعرهاا... سبق وهضرات معاها الطبيبة وقالت ليها حالتها شي لي خلى لخوف يتسلل لقلبها لاطرا شي حاجة لعسيلاتهاا... فهاد لحظة احتاجت نووح بزاف معااهاا تخشى فصدرو وتشكي عليه.. دخلو عندها وهي تبسمات بخفوت باش ماتخلعهومش يكفي وجههوم لي صفر فاش دخلو لعندهاا...بقاا إدريس كيسول فيها وهي تاتجاوب بهدوء وحاولات ماتشغلش بالها بشي حاجة لي ضرها فخاطرها وهضرة زهرة ماتيقاتهااش حيت هي عارفة نوح ماشي من نوح لي يدير لحاجة ويتخبى... عاشراتو وعارفااه عندو نيشااان ولاباغي يتزوج راه يجي يقولها ليهاا...عارفة بلي غبورو حيت باغي يرتاح ومغاتلومووش حيت هي فااهماااه واخا مشتااقة ليه وباغااه فهاد اللحظة ولكن راحتو أهم من هادشي وبيما أنه مشى بلامايعلم حد على فين كاين إلا وأنه باغي يرتاااح وهي غااتعطيه كل وقتو كيفما هو كيعطيها وقتهاا... هي محتارمة قرارو وغاتبقا تسنااه تايرجع بخير وعلى خير ليها ولولادووو...
****
صباح جديد ويوم جديد مشمش ولجوو بدا يسخااان...ملي فاق مشى مع باه لكلينيك داو لفطور لرحيل ولتانيرت حيت هي لمرافقة ديالهاا وفطر معاهوم أو ونسى رحيل شوية عاد شد طريقو لميزون دڤواتيغ...كان فالخدمة عندو وجه اخر عكس وجه محمد طه لي معروف مع عائلتو...مكيدوي مع حد تيدير خدمتوو ويخرج فحاالو ومأخرا لاحظ وحدة من لبنات لي خدامين تم كاتقرب منوو وكل مرة دير سبة بشي مشكيل بحكم هو وسعيد عندهوم نفس لاطااش...كايتعامل معاهاا عادي وبعد لمرات كينخلهاا وكيف ليوم جايا جهتو مبسمة وجايبة معاها زوج طاسات دلقهوة وقالت بصوت محلون: جبت ليك لكوفي
محمد طه:(ببرود)باشمن صفة؟؟
لبنت:(مرگات)احم قلت غاتحتااجها
محمد طه:(بصرامة)سيري قابلي خدمتك وبلاكترة ضوران هناا وقت لبوز سيري فيما بغيتي مي وقت لخدمة خدمة بلاصتك امادموزيل
مشات بلاماتشوف فيه مزاال وهي حشمااانة أما هو دوز نهارو عادي وغير سالى خرج بزربة غادي لخدمتو التانية لي ولى مولفها هاد الأيام...لخدمة ديال مراقبة غزلان...واقف تاني مور ديك الشجرة لي كون كانت دوي كون رغباتو بشبر التيسااع بقوة ماكيوقف جنبها ويتكى عليهاا... بانت ليه يالاه جات دخلات لمحال ويادوب دوزات ربع ساعة وتمات خارجة تاني من لمحاال وهو تابعهاا فيما مشات...تقدات شي حوايج من السويقة ومشات عند مول لمكتابة طبعات شي بوليكوبااات عاد كملات طريق لدار وهي حاسة بشي حد تابعهاا وقفات فوسط طريق وهو غير شافها مشى يجري جهة واحد الزنقة وقف تايطل عليها بانت ليه كاضور راسها يمين وشماال وعاد كملات طريقها...خلاها تاكحزات شوية وتبعها تاني بحال ظلهاا مدة تاوصلات لحومة لي كانت خاااوية فيها غير شي براهش تيلعبو وهو كان غادي ساارح فيهاا وفشعرها لي طالقاااه تاااكاتصدمو فاش ضاارت على غفلة مخليااه حابس بلاصتوو كيشوف فيها وهي هازة حااجبهاا فيه وتاترمقو بنظرات بااردة مخليااه ميرضااش على لحصلة لي حصلاتو...
كان يتمنى تشق الأرض وتبلعو على أنه يحصل هاد لحصلة قدامهاا...تلف وتابااش يدوي ويهضر لكلام حبس فجوفو وحلف لاخرج أما هي فكانت تاتشوف فيه بنظرات باردة عاكسة داك الفوضى لي كاتحس بيها داخلهاا...من نهار المحكمة مشافتوش ودازت مدة طويلة وشوفتو فهاد لوقت وبهاد لغفلة مكانتش ضاربة ليها حساااب نهائيا.. هاداك لي كينبض فصدرها مشتااق ليه وغير شافو بدا يضرب بالجهد ولكن عقلها كان تيفكرها فتصرفاتو معاهاا لي من نهار عرفاتو وهو يجرح فيها لمشكيل ماخلى تاشي دكرى زوينة تفكرو بيها وتشفع ليه...مكاين غير الكلام لي يجرح وتصرفات لي كانت تميك عليهوم تافاض لكااس فاش هز يدو عليها وعايرها بلغلط لي ندمانة عليه تاشاب راسهاا...بعض لمرات تاتبقا تسول راسها وتقول اش بغيتي فيه اغزلان وهو عمرو عاملك مزيااان؟؟ علاش دليتي ليه رااسك وااش بصح لحب كيدل؟؟ وترجع تجاوب راسها بلي لحب عمروو مكان دل وبلامايلوح لواحد لومة عليه حيت لي باغي يدل راه دارها براسو ماشي لحب لي عماااه... بصح طلقات وكان الطلاق جاي من عندها حيت عيااات ولكن مغاتنكرش بلي طلاق كاان بالنسبة ليها حياة جديدة...كون بقات معاه كانت غير غاتكرفص ولكن داباا راه مكملة حياتها بلابيه خدامة وتتقرا وعايشة لحيااة براحتها بلاغبينة وبكاا...واقفين كيشوفو فبعضياتهوم وهو مانزلش عينيه وسمح لراسو يشوف ملامح وجهها عن كثب...دوك لملامح لي اشتاق ليهوم ولي جرحهوم عينيها لي ياما نزلات دموع بسبابو...ركز فحنكهاا وتفكر نهر هز يدو عليهاا وتمنى كون تهرساات ولادارهاا...حشماان من راسو ومنهاا بزاااف...
غزلان:(ببرود) علاش تابعني؟؟
محمد طه:(بهدوء) أنا ماعرفتش
جوابو كان صريح ومانكرش هو براسو ماعرفش علاش تابعها ياك هو لي كرفصها تاطلقو علاش جااي وتابعهاا..يخليها تعيش حياتها ويمشي يعيش مع دكرياتو مايمرضها ماتمرضوو
غزلان:(ضحكات بسخرية) هه باقي كيفما نتا مستحيل ترضى وتقول لي كاين
محمد طه:(تبسم بخفوت وقال) باقي عاقلة على طبيعتي ومانسيتيش
غزلان:لامانسيتش حيت ديك الطبيعة لي فيك هي لي خلات لعيشة تحرار ولقلب يكحال من جهتك
محمد طه:(مسح على وجهو) من حقك مغانلومكش أنا براسي ماحاملنيش على شنو درت فيك
غزلان:لاكنتي جااي تفتح كتااب تسد مكاين لاش
محمد طه:كتابنا عمرو تسد
غزلان:(ببرود) لاراه تسد ومن زماان ولحتو فلبوبيل حيت هاديك هي بلاصتو
محمد طه:(سرط ريقو ونطق) عارفك مقصحة من جهتي على مادرت وعارف بلي لكلام ماعندو فايدة دابا
غزلان:(قطعاتو)عارف هادشي ونيت ماخصكش تنسااه وتبقا ديما مفكرو
محمد طه:غزلان عارفك محاملاش تشوفي كمارتي دابا وعارف بلي واخا نهضر دابا ماعندو بااش يفيد ولكن فالداخل ديالي هضرة بغيت نقولهاا ليك هضرة لي مازعمتش عليها شحال هادي وبقيت مخبيهاا عندي لداخل
غزلان:وتادابا بقااا مخبيهاا ماعندي ماندير بيها ومباغاش نسمعهاا حيت فات لفوووت والله يجعل لبراكة لي شفت منك خلاني نتگهم وندير بنااقص فخباارك كرهتيني فالزواااج وفچنس الرجاال
محمد طه:غاتقدري تسمحيليا شي نهار
غزلان:(بكل برود وتقة) لا مغانسمحش ليك وعمررري نسى شنو درتي عند بااالك اجي ونسى ههه لقول والله تاساهل عندك ولكن لفعل صعيييب
محمد طه:(حرك راسو وتبسم بتقة) عارف بلي غايجي نهار وتنسااي وغاتسمحيليا
غزلان:(فقصها بديك التقة لي كيدوي بيها) واش من نيتك ههههه بااز لوجهك والله
محمد طه(قرب جهتها تاوقف قدامها وعينو لخضرين كيتغزلو فملامح وجهها عن قرب تمادى وحط يديه على حنكها) نتي قلبك بيض ومكتحقديش بصح مقلقة مني ولكن متأكد غاتسمحي ليا
غزلان:(ضربات يديه ونطقات بانفعال) بلاماتحلم سمعتي أنا مغانسمحش ليك الاعند بالك غانسى هضرة السم لي كاتخرج من فمك وديك الضربة لي عطيتيني راه باقي مكتعرفنيش يمكن شحال هادي بغيتك ولكن داباا حقدت عليك وكل ليل كاندعي ربي ياخد حقي منك على مادرتي فيااا بعد مني وماتعاودش تقرب لياا
مشات وهي باغا تفرگع من هضرتو أما هو سرط ريقو وهضرتها مغاينكرش أثرات فيه بزاف وفكرة أنها مغاتسمحش ليه خلات الألم يتكون فداك النابض وسط صدرو...زرب فمشيتو وتبعها ولقاها دخلات باب لعمارة حبس عليها لباب وهي خنزرات فيه ومع قوتو قدر يخليها تبعد ودخل ساد لبااب...بقات تاتشوف فيه وهي مخنزرة عكسو هو لي تبسم وعلى غفلة منهاا شد حناكها وهي تاضرب بيديها فيه قرب شفايفو جهة جبهتها وطبع بوسة عليهوم مخليها باغا تجن...بعد شوية عليها وشاف فعينيها لي كانت لمعة دموع باين فيهوم ولكن مانزلاتهومش ويستحيل تنزلهوم قدامو هو لي نطق بصوت خافت مبحوح: أصلا من نهار خليتيني وربي كياخد حقك مني...
جالسين فالشومبر مونسينهاا وهي غير مبسمة تاتشوف فريان لي جالس جنب أسماء كيتناگرو كيف ضريرات لمزلوط...ضارت جهة لباب لي تحل ودخلات سيدرا لي جات تاتجري جهة مها أو وقفات جنب لبياص وضارت شافت فجدها:بّاديدي هزني
لبى طلبها وجلسها جنب رحيل لي مدات يديها تتقيس شعرها وسيدرا حلات يديها لي كانت حاطة فيها وريدات قطفاتهوم فجريدة لي جنب لكلينيك... كانو دبلو حيت بركات عليهوم فااش زيرات عليهوم
سيدرا:مامي جبت ليك وريدات
رحيل:(خدات لوريدات وتبسمات) زوينين بزاااف امامي اجي بوسيني (باستها) ااااح على بنتي وريحتهاا لفنة
سيدرا:(هزات فيها راسها) مامي واش مغاتمشيش معايا لدار
رحيل:(نطقات بخفوت وهي كاتمشط على شعرها لي كيف لحرير) غانبقا شوية مزال هنا على قبل مومويات امامي
سيدرا:علاش مال موميات واش غايجيو؟
رحيل:لاباقي ليهوم شوية ويجيو واش فرحاانة؟
سيدرا:(عوجات عينيها وقالت) شوية
رحيل:(طلات عليها وقالت بتساؤل) علاش شوية؟
سيدرا:(بتدمر)حيت امامي مغانبقاش أنا عزيزة عليك نتي وبابانو وتابّاديدي غايولي يحمل مومويات عليا
رحيل:(هزات حاجبها بجدية)شنو قلنا على هاد الهضرة همم ياك دوينا وهضرناا وقلت ليك عمر حد غايجي بلاصتك وماخصكش تقولي ديك لهضرة حيت غانتقلق منك بزاااااف وتامومويات غايبقا فيهوم لحاال وغايبقاو يبكيو
سيدرا:(مكمشة عويناتها ومادة شنوفتهاا معاجبهاا والو) خليهوم يبكيو
سكتات رحيل وهي عارفاها حال وحوال وزيد مأخرا تاتقلق دغياا... تاهي مابقااش عندها لخاطر بزااف ومبغاتش تحكر عليها ملي يجيو توينز وديك الساعة كلام خر واخا عارفاها غاتبغيهوم..
تانيرت:(قربات جهة رحيل ونطقات) غانمشي مع باك ندوش ونجي واخا
رحيل:غير سيري رتاحي اماما مكاين لاش ترجعي وزايدون راه لفرمليات كيطلو راك شايفااهوم ممخليني مخصوصة من والو
تانيرت:لا ابنتي غانرجع غيرر غاندوش وصاف ونيت نوجد لعشاا ونجيبو معايا
أسماء:صافي أنا نبقا معااهاا ليوم اخالتي
تانيرت:صافي خليوني راني دووويت
مشات هي وإدريس مخلين غير أسماء وريان ومعاهوم سيدرا...نزلات سيدرا غادة عند ريان وأسماء جالسة مجمعة مع رحيل
أسماء:(تبسمات)مقالتش ليك طبيبة وقتااش تعرفي سكس دتوينز
رحيل:قالت ليا ولكن ماباغاش نعرف ونوح مكاينش
أسماء:دابا يرجع غايكون غير عندو شي غراض مهم عليها غبر هاد لغبرة
رحيل:(حركات راسها باه وبدون كلام)
أسماء:اييه خصك من دابا تفكري فالسبوع هههه غاديريه فقاعة ولاغير فالرياض
رحيل:(عضات على شفتها) السبوع هو اللخر وحالو ساهل
أسماء:اوا الله يفكك على خير ابب
سمعو الدقان فلباب لي تحل ودخلات منو بيسان هازة بوكي دلورد ومعاها سناء ورحمة لي غير شافتهوم رحيل وهي تقاد فجلستها باركة على سنيها..
بيسان:(قربات جهتها كاتسلم عليها بلابيز) ماشيغي كيف بقيتي
رحيل:صافا حمدلله
سناء:على سلامتك
رحيل:الله يسلمك
رحمة:(ببرود قالت) على سلامتك كيف بقيتي
رحيل:لحمدلله
جلسو فلكانابي وريان نااض من بلاصتو خرج مخليهوم بوحدهوم وزيد مكانش باغي يجلس وبيسان تم وتابيسان مشافتش جهتو وخلاتو...كانت رحمة جالسة وهضرتها ناقصة على غير لعادة وتارحيل تتجاوب على قدر كلامها...باقي مانساتش ليها هضرتها لي قالت وكيف جرات عليها من الرياض...
بيسان:شنو قالت ليك طبيبة واش باقي مطولة هنا
رحيل:قالت ليا نبقا هاد الأيام هناا على قبل صحة توينز وتاافاش نخرج غايخصني نبقا غير فدار واحد لفترة ومانكترش لمشي بزاف
بيسان:(تبسمات ليها بحنية) هاد لفناكيش باسلين
من دابا كيديرو لبسالات
سيدرا:(كانت شادة تلفون ريان نطقات بتدمر) غانقول لبابانو يدير ليهوم بينيسيون
تبسمو جميع وقالت سناء:ولحمالة بواحد صعيية عسااك زوج الله يكون فلعون
رحيل:آمين
أسماء:(هزات حاجبها ونطقات) خالتي رحمة شفتك ساكتة ياكما مريضة؟
رحمة: عيانة شوية
أسماء:الله يشافي
بقاو جالسين معاها واحد جهد ساعة وناضو يخليوها ترتاح تسالمو معاها وبيسان بدات توصي فيها عاد
خرجو وأسماء لي فجوفها طلقاتو لرحيل فوجهها:مال عگوزتك قالبة وجها
عليك ياك لبااس؟
غاديين فلكولوار ونفس الكلام هو لي نطقات بيه بيسان وهي كاتشوف فمها: ماشي حشومة عليك اماما تقولي عدوتك ماقدرتي تاتهضري معاها وطلبي السماحة على مادرتي معاها
رحمة:(هزات عاجبها) نطلب السماحة لهلا يحي الزمان مالي قلت لعيب كلام لحق هو لي نطقت بيه
سناء:(بهدوء)شحال هادي كنت غانقول ليك عندك لحق ولكن دابا فاش عاشرتها لقيتك غالطة فحقها السيدة فالسبيطار راجلها ممعاهاش وزادتها لعگوزة لي هازة خنافرها لسما
رحمة: نتوما معارفين والو بلاماتبقاو دخلو واخر مرة يتجبد هاد لموضوع
خلاتهوم وزادت وبيسان شافت فسناء ونطقات:شفتي اش قلت ليك حشومة گاع أنا مرگت بلاصتها
سناء:مادخليش صافي خليها ملي يرجع ولد لحاج ويسيق لخباار تفكها معاه (ميقات) كنت تانقول غير طامو لي عزيز عليها فعايل لعگوزات طلعات ختي شابهة ليهااا
بيسان:ههه تانتي حالك صعيبة اجي شنو درتي مع اليازيد شفت خبارو تقطعات
سناء:امم راه فخدمتو وكلت الله عليك اطامو نتي سبابنا تاتفارقنا
بيسان:زيدي زيدي نتي وماما شابهين بعض فقصوحية الراااس
جراتها ومشاو بدون ماينتابهو لرياان لي كان واقف وسمع لهضرة لي تقاالت من لول تال لخر وهو مكمش حجبانو وباين فيه ماعجبوش لحال..
قلب الضورة نيشان راجع لبيت رحيل لي كانت تتهضر مع أسماء وسيدرا راه متلفة لوقت فداك التلفون لي شدات معاود طلقاتو...حل لباب ودخل نيشان عاقد ربعة فلعشرة ونطق بدون مقدمات:شنو طرا بينك وبين مت ولد لحاج؟
رحيل:(شافت فيه ونطقات بتساؤل) مكاين والو علاش تتسول
ريان:ديك لمرة فاش مشيتي لرياض رجعتي مغيرة ومادويناش قلناا راه غاتكوني توحشتي راجلك ساعة هي لي قالت ليك شي هضرة
أسماء:شنو طرا؟
ريان:سمعتهوم تايهضرو بتلاتة وبيسان قالت ليها مادويتيش معاها بحال عدوتك وطلب منك شي سمااحة علاش اش دارت؟؟
رحيل:ريان مكاين والو غير تهنى
ريان:(هز حاجبو) تاطنزي علياا اعوينات الجلبانة بنت ليك غانتيق هضرتك
رحيل:كلام عاادي نتا غير فهمتي غالط
أسماء:شي حد يفهمني اش واقع رحيل
رحيل:مكاين والو واااه بيني وبينها وصاف خرجو من هاد السوووق
ريان:غاانعرف اش طاري وديك الساعة هضرة خرى
قرب جهة سيدرا لي طالقة ودنيها خدا ليها تلفون وخرج غادي فلكولوار وتايطابي نمرتها بيد فتلفونو ودووز لخط مدة عاد تفتح لخط وسمع صوتها لي قالت بعدم تصديق:ريان
ريان:باغي نشوفك داااباا فيما كنتي اجي لكافي لحدا لكلينيك عندي معاك كلام
قطع عليها وخرج من لكلينيك بملامح جدية وصارمة أما عند رحيل فكانت مضطرة تعاود لأسماء شنو طرا حيت لصقات فيهاا وتاهي معجبهاش لحاال ولكن سرطات لسانها حيت هاديك تتبقا عگوزت ختها مجاتش تعاير فيها وتسب...
كان جالس فالكافي كيتسناها تابانت ليه داخلة تاتقلب عليه غير شافتو وهي تقرب وقالت بهدوء:شنو واقع
ريان:جلسي
جلسات وهو قرب بلامايسولها على شنو تشرب وقال:مك شنو قالت لختي؟
بيسان:(نطقات وهي كاضور عينيها)مافهمتيش كلامك
ريان:بلاكدوب سمعتك فاش كنتو تادويو فلكولواار وبلا تخربيق قولي ليا اش طرا
بيسان:(بجدية)هادوك حوايج شخصية بناتهوم اريان مانقدرش نقول ليك
ريان:(ضرب يديه الصحيحة فوق الطبلة وقال بانفعال)بلا تقح*بين اززززبي قولي ليا هي اشنو
قالت ليها
بيسان:(هزات حاجبها) بلاتخسار لهضرة ارياان لي تقال راه تقال دابا ومانقدرش نهضر ونقول اش كاين
ريان:(شد يديها لي فوق الطبلة زير عليها) لاخر مرة نسولك جاوبي
بيسان:وقع مشكيل بناتهوم سوء فهم
ريان:باغي كلشي بتفصيل وبلاكدوووب حيت غانقلعك
بيسان:(سرطات ريقها وبدات تقول اش طرا بدون ماتعمق) هادشي لي وقع
ريان:(خنزر) وهااد مك معرفااش السيدة كاتوحم مجرياا عليهاا شكون هي فملك الله
بيسان:(بصرامة)ريان احتارم راسك راه هادي لي كادوي عليها ماما..
**
جات تانيرت وإدريس وتسد لموضوع مبغاتهومش رحيل يعرفو واخا مكانتش باغا أسماء تاهي تعرف ساعة ماعندها كيف دير... مشات أسماء لدارها ديك الليلة حيت إسلام سبق ليه وقال ليها غايجي لغد ليه فالليل ومشات طرف دار وتوجد راسها على مايجي راجلها غدا...
دخلات لدارها وبدات تتفوه الشراجم حيت شحال هادي مجات من داك النهار...مشات تشوف اش خااص باش غدا تقضى وتوجد لعشاا...قاداات الدار ومشات دوشات ولبسات بيجامة خفيفة وطلقات شعرها ينشف...سمعات الدقان ومشات طل تشوف شكون بان ليها مكاين حد كمشات عينيها وحلات لباب وفهاديك اللحظة تكلخات وحلات لباب وإذا بها كاتشوف وليد قدامها واقف جنب غير تحل لباب دفعها ودخل سادو مخليها مخرجة عينيها وهو قال بنظرات ماكرة وعينيه حمرين معسليين:هانتي حصلتي
أسماء:(خرجات عينيها مصدومة) نتا واش مابغيتيش تووب خرج علياا من هنا
وليد:(ضحك بمكر وقرب جهتها) فين زويمل دخوك شفتو خلاك تجي بوحدك
أسماء:خويااا بزاف عليك الشمااتة والله وماتخرج ياتانجمع عليك جيران نقول ليهوم مهجم عليا
وليد:(قرب جهتها وقال بخفوت) علاش مباغانيش يااك قلت ليك تانبغيك
أسماء:(غوتات منرفزة) وااابعد مني سمعتي بعد واش مافيك نفس تاابع وحدة محاملاش خليقتك
وليد:(قرب وشدها من فكها زير عليها وقال بانفعال) باش حسن مني هوو هااا بااااش مغايبغيكش بحااالي
أسماء:(ضربات يديه ونطقات وهي تاترطى) نتااا مكاتبغي حد نتا مريض فكررك شابه الشماتة دخووك دايريني رهان وربي فضحكوم لياا بزوج
وليد: نتي عارفة كلشي ماخبيتش عليك وقلت ليك اش كااين علاش مباغااش تيقي أسماء هانتي نمشيو بعيد نتي غير ماتخلينيش
دفعاتو من عليها باغا تمشي لبيت تجيب تلفون تعيط لباهاا حيت بان ليها فشكل وفاش قرب منها شمات ريحة الشراااب ساعة جرها من شعرهااا تاتضربات مع صدرو وقاال بصوت عالي:باغااا تعيطي ليه هاااا باااغاا تهربي مني لعندو
أسماء:وااابعد مني عتقووووني
سد ليها فمها قبل ماتبدا تغوت وعقلو طافي فديك اللحظة وهي تقول واش هدات بدات ترطى بين يديه تاتفكاات وهي تغووت تاصوتها تبح ونطقات:مبقيييتش باغاااااك فهمهااا أكبر غلطة فحيااتي هي نهاار بغيتك فيهاا وماطلعتيش راااجل خرج عليااا مابقيتش حاملة نشوووفك واعطيني بالتيقاااار
سكتات أسماء وهي تتنهج وشافت فوليد لي كانو عينيه كيشوفو فجهة خرى ومع أسماء عاطية بالضهر لديك الجهة ضارت وعينيها خرجو من بلاصتهوم وهي تاتشوف إسلام لي كان واقف وعينو عليهوم بزوج بنظرات مكاتبشرش بالخييير...
هاد لمدة كلها وهو مع مو مامخليهااش واخا خوتو وخوتاتو تاهوما كانو ولكن كل واحد كيمشي لدارو يبات فيها وكيبقى هو معاها..ليامات لولة كانت مريضة ولكن موراها بدات تبرا شوية ومع دلك مابغاش يخليها بوحدها عيى معاها تمشي معاه لمراكش ويبقا مقابلها تم ونيت يرتاح من جهتها وهي مباغاش تخلي دار لي جمعاتها بلمرحوم لسنين... ملي تأكد بلي ولات بخير قرر يرجع لمراكش ولخدمتو ولأسماء لي توحشها فهاد لفترة ومغاينكرش بلي ولفها فحياتو واخا مدازش بزاف على زواجهوم ولكن دارت دغيا بلاصتها فحياتو...عيط ليهاا وعلمها بلي غايجي لغد ليه أو وصاها باش تسبقو لدار وتبات فيها حيت باغي يدير ليها مفاجأة وتاهي ماتعكسااتش.. شد الطريق بلامايعلمها باغي غير وقتاش يوصل لعندها ساعات ديال الطريق حس بيهوم طوال ومارتاح تاكان وصل قدام ليموبل ونزل..هبط صاك دلحوايج ونزل بخطوات سريعة باش يدخل.. مع حل لباب مع وصلاتو هضرتها لي خلاتو هاز حاحبو وقرب جهة مصدر الصوت وهو يتصدم بشوفتها مع راجل غريب وسط دارو.. زير على يديه وشوفاتو مكانوش كيبشرو بالخير وهو كيشوف فيها هي لي واقفة مصدومة بحال لاضربتيها بقرطااسة..مخرجة عينيها ولسانها جمد وسط جوفها ودقات قلبها كانو سراع بحال الإكانت فشي سبااق...أما هو استغرق ثواني باش يفهم الشي لي ماقدرش يتقبلو ولكن كلشي كان وااضح فعينيه وماحسات أسماء غير بيه دايز بحال الزواق جنبها شانق على وليد تايضرب فيه.. كان تيحس بلعافية شاعلة فيه ومقادرش يتقبل بشاعة لمنظر لي شاف أما أسماء رجعات خطوات لور تاتكات على لحيط وهي تشهق وبدات تبكي وهي كاتشوف الروينة لي نايضة بين دوك الزوج لي مدابزين واخا وليد كان سكراان ولكن ماخلاااش دقتوو.. فااش شاافتهوم طايحين فالأرض شانقين على بعض ودمايات لاخر نازلين بحال لاتوگضاات ومشات تاتجري لبيتها هزات تلفون ويديها كاترعد... عارفة لاماتحركاتش غاتوقع شي كارثة لي غايندمو عليهاا وهي مباغااش هادشي... دوزات لخط لمحمد طه لي جاوبها بهدوء:وي
أسماء:(تاتبكي وتشهق)عتقني عتقني عتقني غاااايقتلووو
محمد طه:(ناض من فوق النموسية ونطق بسرعة) ماااالك اش واااقع
أسماء:اجي عفااااك امحمد دابااا عفااااك ااااجي
مشى كيجري هز جاكيط ونزل كيزرب فالدروج تاتلقااه إدريس لي نطق بتساؤل:فين غادي ماالك؟
محمد طه:(تالف) صااحبي واقع ليه مشكيل الواليد خصني نمشي عندو ضروري
كمل طريقو وإدريس معجب منو وكيسول شكون هاد صاحبو أما محمد طه هز طوموبيل باه وقلع ومن زهرهوم كانت أسماء قريبة ليهوم ودغيا وصل وزيد كان طااير فالطريق وتايتفكر غير هضرتها لي مافهم فيها تازفتة...وصل ونزل تايجري طالع فالدروح تاوصل وهو يلقى لباب مردود حيت إسلام خلاه فاش سمع هضرة أسماء...دخل وهو يلقاها واقفة تاتبكي بلاصتها ماقرباتش ليهوم ولخرين راه مشانقين نيت ولكن لي واكل الدق بزااف هو وليد حيت إسلام ديك الساع مكانش كيقشع قدامو.. قرب محمد طه جهتهوم باش يفك وهو يدفعو إسلام ونطق بصوت غااضب:ليوم نقتل زاااامل بوووك القوااااد
محمد طه:(غوت) وااطلق منو القل*وي
دفعو محمد طه تابعد على وليد وهو يوقف بيناتهوم لاخر عارفها مطلعااش مطلعااش قال نزيد نشعلهاا مغاتكونش ليا وماغانخليهاش تكوون لغيري..
وليد:(نطق باستفزاز) دومااج كون غير تعطلتي شوية كنت غانقنعهاا
إسلام:(كولو كيغلي الضبابة نزلات على عينيه وكلامو راه كان بحال لفتيلة غوت وقرب جهتو ساخط) اااجي اولد لقح*بة نوريك (كايدفع فمحمد طه لي كان مفاهمش لحد الساعة اش واقع ولكن لمهم عندو يحبس اش طاري حيت بان ليه إسلام شاعل) واااطلق مني لقووااااد وخليني نقتلووو ونشرب من دمووو باااش نوري لزاااامل لي حطوو اش كاانسوى
وليد:(تايقاد لقميجة لي لابس ونطق بسخرية) خليه يجي يندمني عند بالك اتخلعني
محمد طه:(غوت على وليد وهو باقي شاد إسلام لي تايدفع فيه) واااقووود از*ي لانصدق أنااا لي مفااهم معاااك
إسلام:(غفل محمد طه وشنق على وليد فعنقو ونطق مخرج فيه عينيه وفديك اللحظة جاتو الدكرى السوداء بين عينيه وبحال لاترفع وبدا كيبان ليه غير وجه عدنان بلاصة وليد)خليتك فلمرة لولة ولكن بربي لافلتها ليك فهاد لمرة اولد لقح*بة
بارك على عنقو بيديه أو وليد كايحرك فيديه ويضربو فوجهو ومحمد طه كيجر فيه وأسماء لي كانت فحالة ذهول غير شافتو ناوي يقتلووو دبصح وديك لهضرة لي قااال خلاتها تقرب بزربة شداتو من دراعو ونطقات بصوت عاالي:إسلاااام عفااااك ماديرهااااش أنااا غااانقول ليك كلشي عفااااك بعد منووو اإسلاام عفاااااك (مكاينش شي رد منو شي لي خلاهاا تنطق بترجي وهي كاضرب فيه) عفاااك على وجه ليلياااااان اااإسلااام على وجه بنتك ليليااااااان
طلق منو إسلام مجرد ماسمع هضرتها وسمية بنتو وضاار كيشوف فيهاا سااكت بنظراات عندها معنى... وهي بدات تبكي وهبطاات راسها مالقات ماتقول حيت شوفتو فهماتهاا وضراتهاا بزاااف..جر محمد وليد فلوقيتة لي كان إسلام غاافل وخرجو من الدااار وهو معارفش شكوون هادا أصلا ناسي بلي سبق ليه وشافو من زمان..
دفعو محمد طه فالزنقة ومع وليد رجليه مهازينوش دغيا طاح ليه وهو يخنزر فيه وقرب جهتو ونطق بعصبية:شكوووون نتااا از*ي
وليد:(هز فيه راسو وبدا يمسح دم لي على وجهو ونطق ببرود) ماعرفتينيش
كان وليد عاقل على محمد طه ولكن هو ماعقلش عليه وملامحو دابا خلاوه يكمش حجبانو كيتسائل هو فين شافو... كان تيبان ليه وجهو مألوف عليه وتاوليد فاش شافو سكت كيدقق فملاحمو ونطق بهدوء:أنا هو لي حصلتيني مع ختك فالربااط فالسبيطار شحال هادي عقلتي؟؟
**
لفوق عند أسماء وإسلام لي حل عليه واحد لكاالم غريب خلااه يسكت ومكان تايتسمع غير بكاا أسماء وشهيقهاا...تاسمعاتو نطق بصوت بارد كالصقيع:بقاا فيك لقوااااد ديالك
أسماء:(هزات راسها بزربة ونطقات بتبرير) لا لا نتا فاهم غااالط هانتاا سمعني عفااك
إسلام:(حط صبعو على شفتهاا مسكتها ونبرتو لباردة باقي مرافقاه) من امتى ونتي كتبيدقيني هممم
أسماء:(دموعها نازلين زولات صبعو ونطقات) نتا كاظلمني أنااا عمري فكرت نديرها اإسلام عفااااك سمعني وديك الساعة حكم
إسلام:(حط يدو على حنكهاا ونطق بصوت خافت) شكوووون لي حسن أنا ولاهووو
أسماء:(غوتاااات بجنون) وماااابيني وبينوو والو علاااش مبااغيش تيقني أنااا كنت تانعرفووو شحااال هادي قبل گاااعماا نعرفك فااااش كنااا فالرباااط وغير جيت لهنااا ساليت معاااه كلشي حيت عرفتو كدااااب وكاان باغي مني غير حاااجتو ومأخررااا تلاقيت بيه فالخدمة ولى شااف ديااالي فلول ماتسوقتش ليه ولكن فااش مباغااش يبعد مني حطيت لاديميسيون دياااالي وعمري مامشيت لخدمة وكنت باغاا نقولهااا ليك عقلتي يااك (شدات دراعو ونطقات بصوت باكي ضعيف) كنت قلت ليك باغا نقول ليك شي حاجة ولكن نتا سااافرتي وماقدرتش هوو كيهددني بواحد تصويييرة كان خداهاا لينا أناا ويااه شحااال هادي
إسلام:(ضحك بسخرية على راسو) قولي لياا كنتي تاتلقااي بزووويمل ديااالك وأناا فداار غفلووون همم وأناا عاد فهمت علاش نتي مباغااش تجلسي من لخدمة واخا قلتها ليك حيت مقادرااش تبعدي على حبيب لقلب
أسماء:(هضرتو كانت بحال الملح لي تتكبي على لجرح) نتااا كاظلمني أناااا عمري مافكرت فيها بهاد الطريقة اإسلام تيق بيااا والله مابيني وبينو والو من نهاار عرفتك وبغيتك وتزوجت بيك وأناا ضاربة على كلشي عمري فكرت نغدرك اإسلاام
إسلام:(شدها من شعرها تاحسات بيه غايتقلع من بلاصتو ونطق بصوت قاصح) تااايق فيك ابنت لقح*بة ونتي كاتبيدقي فيااا
أسماء:(شدات يديه لي فشعرها ونطقات بقوة) ماااعمري بيدقتتك حيت ماااشي فعااايلي ولاكانت لقح*بة لي كنتي مزوج بيهاا دارتها فأنااا ماشي بحااااالهاااا
نزل عليها بتصرفيقة مجرد ماكملات هضرتها تاحسات بطنين فودنيها وماخلاهاش تصنط لحريقهاا كان زايدها تااانية تاتجرحات فشفتها وجرها من شعرهااا تااتقابل وجهها مع وجهو وقال بصرامة:كلكووم قح*بات ونتي وياااهاا بحال بحااال (زاد زير على شعرها وكمل) مخلي الزااامل بووك فالداار مهني سااعة نتي كنتي لاقيااها وجيبة فين تجيبي زاااامل ديالك لقلب داااري (نطق بانفعال وجنون وهو تيقيس فيهاا) قااااسك هاااا باااسك هنااا (حط يديه على شفتها تاحسات بيها ضراتها) وهناااا هاااا وسخك ياااك
أسماء:(تاتبعد عليه وهي مقادراش تسمع اتهماااتو لي مسوو شرفهاا غوتااات وهي كااادفع فيه) ماااشي بحااالهااا أنااا ماشي بحااالها ماتقااارنيش بيهااا أناا عمري نفكر نديرهااا علاااش مباااغيش تيقني عمررري ماغدرتك عمررررري
إسلام:(غوت تاهو وضرب يديه مع لحيط) ااااااش كايدير عندك فالداااار هاااا ااااش مدخلو لداار ونتي بوووحدك ولااابسة هاااد لقل*وي وشعرك علاااااش سااارد بلمااا هاااا (شدها من دراعهااا ونطق بصوت خافت كيسرط فريقو) خليتيه يقييييسك هممم دووي
أسماء:(دفعاتو وهزات يديها تال سماا صلاتهاا معااه وهو تقول واش تحرك غوتاااااات تاصوتها تسمع فلكولوار دلعمااارة كاامل) أنااااا مااااااااشي بحااااالهااا أناااااا نقية عليهاااا وعمري نفكر نهببببط راااس بااا فلويل هوووو مربااانيش على لغدر من صغري وهو معلمني الصح من لغلاااط ويستحيييل نخيب الأمل ديااالو فيااا إلا نتااا متيقتينيش فهاااديك مشكيلتك حيتتت نتااا مباااغيش تيق بيااا ومباااغيش تعرف بلي ماااغدرتك أناا مغانهبطش رااس بااا مغانهبطوووش
إسلام:(ببرود) ولكن كلثوم هي ماماك..
جملة كانت كافية تعرف هو شنو قصد بيهاا..لهضرة حبسات ليها فجوفها وعينيها عليه هو لي واقف عادي بحال لامقاال والو...هو عارف تأثير موضوع كلثوم عليها وشااف حالتها وانهيااارهاا ديك لفترة فأحقر تصرف منو هو يعايرهاا بحاجة هي ماعندهااش دخل بيهاا... هي مباغاش لي يقارنها بديك لمرة لي ضربات عليهاا...لمرا لي تصدمات منها وباقي لدابا مناسياش ليها اش دارت...قربات جهتو تاتقابلات معاه ونطقااات بصوت بارد:ااااه كلثوم هي لمرا لي ولداتني وهي لي كانت السباب تابابا وماما تانيرت تفرقوو وكانت سباب رحيل تابعدات على مها وتربات يتيمة من ناحية الأم واخا هي حيية هي لي كانت سباب تابعد ريان على باه وتربى مع راجل غررريب هي السبااااب تاأنا حقدت على خوتي وسباب گاااع لمشاكييل لي طراااو كلثووووم هي سباب هي بصح ولداااتني ولكن عمررري غانعتااابرهاا باقي مي حيت ديك لمرااا قطعااات گاع لخيووط لي رابطيني معاااهاا.. هي لي خلاتني نحقد عليها ونكرهها هاديك لمراا لي نتااا عااارف الجرح لي دااارت فقلبي كيفااش دااير اااه هي لي ولدااتني ولكن أنا ماشي هي وعمرري ندير كيف دااارت حيت إدريس التجاااني هو بابا سمعتي هووو بابا (سرطات لغصة لي تكونات فحلقهاا ونطقاات ببرود) نتااا ممتيقنيش يااك عرفتي علاااش حيت نتااا عمرك ماافكرتي تعاالج وتنسى اشنو طراا معااك بقيتي مخبي فداخل ديالك تامرضيتي فنفسك مااقدرتيش تخطى بلي ديك لي كنتي مزوووج بيهاا خانتك مع صاااحبك خلااتك تيقهاا وهي كانت تاتلعب ورى ضهررك ديك لمدة كلها مباغيش تعتااارف بلي نتااا لي خليتيهاا تخوونك حيت عمررك ماحضيتيهاا وعطيتيهاا تقة تااولات هي تستااغل تقتك كاتقاارني بيها ياك (ضرباتو فدراعو وغوتات بحرقة) كاتقاارني بيهاا أناا لي بغيتك من قلبي أنا لي من نهار عرفتك ودخلتي لحيااة وأنا مبعدة من گاع لحواايج لي ممكن يسببو ليناا مشاكيل أنااا لي كنت تانصبر معاك على شكك لياا وتاانقول مااعليش اأسماء عدريه تااهو راه مادوزش السااهل تاهو راه مجروح فهميه وسمعي ليه ونسيه فشنوو طرا شحال هادي حااولي تبداي معااه صفحة جديدة لي تكون حسن من لي فاتت (ضربات على صدرها) كنت أناا كانبدل من راااسي على قبلك بااش نتا ماتقلقش مني فين هي أسماء ديال شحال هادي ها أسمااء لي كاانت مامسوقة لتاشي قوااد كاانت عايشة حياتهاا وهامها غير راسها وبس ولكن نهار نتا بنتي فحيااتها ودخلتي ليها نساات كلشي وضرباات على كلشي وتبدلات على قبلك حيت كاانت دايرة ليك حساب ولكن نتاا عمرك فكرتي فيها وعمرك درتي خطووة بااش تنسى لي معقدك فحيااتك بقيتي مكمل حيااتك عادي وأسمااء هي لي خصها تبدل يااك شكون نتاا لي تحااسبني على المااضي دياالي ها نتا أصلاا ماكنتيش فيه ماشي من حقك تحااسبني عليه وهاادك لي نتاا شاايفو كاان من لمااضي ديالي وهو لي مبغاش يفرقني وسير سول ريان راني قايلة ليه كلشي وتامن رحيل فخبارها وكون كنت باغا نبيدقك كون گاعما خليت حد يعرف وكوون دار لي درت بلاماتسيق ليا لخبار
قاطع كلامهوم دخول محمد طه لي كاان عاقد حجباانو وبعض من كلامها سمعو وقف جنبها وشاف فإسلام ونطق بهدوء:داك لقواد من شحال هادي وهو كيعرفهاا قبل ماتكوون نتا فحياتها شفتو معاهاا نهار كانت خالتي تانيرت فالكومة وهضرة معااه وفاش وقع مشكيل رحيل هي بعدات عليه حيت عرفاتو مزوج وهو كاان كيكدب عليهاا...هاد لكلام لي تانقول كلشي عارفو تامن لواليد راه عارف حيت هوو مشى يخطبهاا منو مااشي كاندافع عليها ولكن ختي أنا عارفهاا يستحيل دير حاجة خاايبة بحاال داكشي لي نتاا كاتفكر فيه..
سمعو الدقان وإسلام تخطاهوم عاقد حجبانو حل لباب وهو يبان ليه لكونسيرج لي تبسم ليه ونطق:سمعت شي صداع ياك لباس
إسلام:(ببرود) مكاين والو
لكونسيرج:اوا على سلامتك (كان غادي تارجع وقال) ااه قبل مانسى راه واحد السيد كان جا فليامات لي كنتي مسافر سول على لمدام ديالك واقيلا كيجيها من لعائلة وجاا عوتااني مرة خرى صراحة اسي إسلام عمري شفتو داكشي علاش گلت نگولها ليك..
إسلام:(زير على يديه وقال ببرود) كيف داير؟
لكونسيرج:عاامر وطويل وگدك تقريبا فلعمر وداير لحية خفيفة
بدا كيوصف ليه وإسلام عرفو قصد ليه وليد وبلامايجاوبو سد لباب فوجهو وتم داخل جهتهوم قاصد أسماء وعلى غفلة جرها من دراعها وغوت فوجهها مخيخ:طلعتي مولفة كاااتجيبه لدااار وماااشي لولة ليك معااااه
محمد طه:(جرو من عليها ونطق معاجبو حال) بعد لهيه وعرف اش تتخرج من فمك واش من نيتك
إسلام:مادخلش بيني وبين مرتي سير من هنا
محمد طه:مغاديش غاتجري عليا يالاه ديرهاا وزايدون مغانخليش ختي معااك ونتا معصب معارفش اش تتخرج من فمك
خلاتهوم أسماء ومشات لبيت كاتجمع حوايجها مباغاش تبقا هنا حاليا وهو باقي معصب وهضرتو لي كيخرج من فمو كاتجرح...فضلات تنساحب تايبرد وتهضر معاه لبسات عليهاا وخرجات من لبيت ومحمد طه شافها وهز عليها حوايجها وهي مزادتش دوات معاه ولاشافت فيه حلات لباب ومشات مخلياه واقف كيشوف ببرود فمحمد طه ونطق:براتهاا غاتوصلها..
بخطوات مهدودة نزلات من الدروج بدون ماتعير اهتمام لاسونسور... لبكية واحلة فحلقها ولكن مبغاتش تبكي...باغا تغووت وفنفس الوقت مباغاش...وصلات لباب دليموبل وخرجات مخلية داك الريح دسيدي ربي يضرب فوجهها مغمضة عينيها كاتحاول تستنشق أكبر كمية تعمر بيه ريتهاا... كانت كاتبان تالفة وحيدة وهي واقفة حاضنة داتها بيديهاا...مكانتش باغا توصل لهاد لمواصل عليها كانت باغا تعلمو ولكن شاءت الأقدار وعرف بأسوء طريقة...عدراتو فلول حيت عرفااه عاش تجربة خايبة خلاتو مايتيقش ويشك ولكن بقاا فيها لحاال حيت ماسمعش ليهاا وحيت قارنها بوحدة موسخة ماتسواااش ضفرهاا الصغير...وزاد كملها بتشبيهها بمهاا هو أكثر واحد عارف باش تاتحس من جهة هاد لموضوع ودوز معاها ديك لفترررة وفلخر عايرها بيهاا...حدرات راسها تاتبكي بصمت تاحسات بيد حضناتهاا وبلاماتخمم عرفاتو محمد طه غير من ريحتو...تخشات فصدرو كاتبكي وتشبتات بيه وهو كيبوس على راسها ويسكت فيها...كون جااه إسلام فضرف اخر كون هرس ليه لكالكااس دوجهو على هضرتو لي خرجها على ختو ولكن حيت عارفو مناش داز عطااه عدر...عض على شفتو ومايجي فباالو غير كلامو لي قال تاهو لغزلان وكيفااش تاهو جرحهاا وهالسمطة ضااارت ودابا وصلات نوبة ختوو... ختو لي معاهاا هو وگاع عائلتها لي مغايسمحوش فيها ولكن غزلان مكان عندها حد...كانت بوحدها لاحنين لارحيم وعند هاد النقطة زاد كره راسو كثر...
محمد طه:(بهدوء)شووو ماتبكيش كلشي غايولي مزياان
أسماء:(بحرقة) ماسمعش لياا حكم علياا بلامايخليني نهضر وقارني بيهاا
محمد طه:(تيحاول يدخل بخيط بيض) عطيه وقت ملي يعرف راسو اش دار غايندم (سرط ريقو بغصة) واخا الندامة من بعد فوت لفوت ماعندها معنى
جرها معاه وركبها فالطوموبيل وتحركو من تم وعينين وليد مراقباهوم من طوموبيلتو....حط راسو على لكرسي ساهي فلعدم... ملي نزلات وشافها كاتبكي كان متمني ينزل ويعنقهاا عارف راسو سباب دموعهاا ولكن هادشي لي دارو دارو باش تكون معاه...فكر فراسو بأنانية كيف ديماا هو سبق ودارها قبل معاها نهار كان ناااوي ياخدها لخوه ويحيدها ليه بحال الاهي لعبة تالقى راسو باغيها دبصح... نهار شافها نوى يرجع معاه الأمور كيف كاانت بحكم أنه ولى شخص حر ولكن لقاها تربطات وهادشي ماتقبلوش حيت هاد سنين كلها وهو كيفكر فيها مارضااش أنها نساتو وبدات مع شخص خر...شافها فرحانة معاه وقال اجي نكدها عليها ومنها نخليها ترجع لياا ونسى بلي هي نهار خرجاتو من حياتها ضربات عليه بخطرة بحال لاعمرو مكااان...
***
وصلو قدام باب دار ونزلات أسماء فصمت وموراها محمد طه لي حل ليها لباب ودخلو ماتلفتاات فتاشي بلاصة ومشات نيشان لبيتها وهو حط صاكها ودخل لصالة كيتنهد...لقى غير ريان وسيدرا ورنيم جالسين... جلس جنب خوه لي شاف فيه بتساؤل ونطق:فين كنتي؟؟
محمد طه:(جاوبو بتساؤل) فين لواليد
سيدرا:بّاديدي مشى لعند مامي
محمد طه:(نطق بتبسيمة)سيري جيبي ليا كاس دلماا اروح مودي يالاه
مشات تاتجري وهو شاف فريان وبدا كيعاود ليه شنو طاري وفنفس لوقت حاضي سيدرا لاترجع وتسمع شي حاجة...حاول يختاصر ليه وبحكم ريان على معرفة بالأمر فهم اش كاين
رنيم:غانمشي نشوف أسماء
خلاتهوم بزوج وسيدرا رجعات جايبة كااس مداتو لمحمد طه لي شرب منو وريان بقا عاقد حجبانو مخنزر...باغي يدوي ولكن رابط لسانو على قبل سيدرا لي بقات جالسة جنبهوم تاحسات براسها ملات مع كلشي ساكت وهي طلع لفوق وهوما جاتهوم من لجنة والناااس ضار ريان عند طه وقاال بعصبية:دااك لقواااد تبريت منو وقلت ليه يجمع كروو معاياا ولكن أنا نوري زاااامل بووه ابلاتي يطيح فيدي بربي لادوزتها ليه...
محمد طه:علاش ماقلتيش ليا شنو كااين وبقيتي ساكت
ريان:ملي علماتني تفاهمت معاه وسديناا ولكن هو مبغااش يفهم روحوو
محمد طه:(تنهد) راني ماعلمتهااش بلي إسلام قال ليا غايصيفط براتهاا عنداك تخرجها من فمك
ريان:(خنزر فيه) تاداك لقواااد على سبة اجي وطلق علاش ماسمعهاااش
محمد طه:نتا عارف كلشي اريان
ريان:معارف والو أناياا لي عارف هو يتيق ويسمع وديك الساعة يحكم ايييه عارفينك دوزتي تجربة خايبة وتغدرتي ولكن ماتزيدش فيه عاااود تت لواليد خصو يعرف
محمد طه:بطبيعة لحاال غايعرف مالنا غانخبيوها عليه تانصدقو فمشكيل كبير ماليه حل اوووف اش هاد الزهر
ريان:(بسخرية)رحيل فالسبيطار أو ولد لحاج غابر عليهاا ماليه أثاار ونتا طلقتي غزلان وأسماء شك فيها إسلام وباغي يطلقهاا وأنا تفارقت على مون دكتوووغ شي نحس ضاربنا حنا ولاد الأسمراني...
محمد طه:(شاف فيها هاز حاجبو)اجي بلاتي كيفاااش نتا مفارق مع مون دكتوووغ شكوون هادي؟؟
ريان:(تكى على لمخدة ونطق بهدوء) بيساان
محمد طه:(خرج عينيه) ماتقولش ليا از*بي خت ولد لحاااج واااااااش سااايط ليك الريح فكررررك ابناادم
ريان:(ضور راسو ببرود ونطق) لقلب ماعليه حكاام ونتا عارف بضاض"لحب" كيغفل..
تعشات رحيل وعاوناتها تانيرت تامشات لطواليط وقضات مسائلها ودارت روتينها عاد خرجات بشوية عليها باش تنعس... قداتها فبلاصتهاا وحطات ليها لماا جنبها باش لابغات تشرب وتاتلفوون ولاجوندا ديالهاا..
رحيل:صافي اماما غير سيرو نتوما أنا غانعس دابا
تانيرت:فين غانمشي أناا غانبات معاك باك هو لي غايمشي
رحيل:ملي دخلت لهنا ونتي مامخليانيش بوحدي غاتكوني عييتي سيري عفاااك ارتااحي وزايدون أنا غدا غانخرج سمعتي طبيبة اش قاالت
تانيرت:اوا غدا ونمشي ليلة مدات ماجاابت
رحيل:(باست يديها وقالت بحب) الله يخليك ليا اماما بلاماتخسري لياا خاطري وأنا لاحتاجيت شي حاجة لفرمليات هناا نتي سيري ارتااحي وغدا اجيو الصباح باش تخرجوووني واخا
تانيرت:(حركات راسها وقلبها مهول عليها) راه مغايدينيش نعااس غير ابنتي خليني الله يرضي عليك
رحيل:راسك قااصح والله
تانيرت:مايكونش بحالك يالاه نعسي ابنتي ترتاحي
رحيل:جنابي طايبين علياا بقوة النعااس ااااي
تانيرت(قفزات): مااالكي ابنتي كاضرك شي حاجة؟؟
رحيل:(تتبسمات) كايتحركوو هههه
تانيرت:اووف خلعتيني انشوف وريقة لحناا دجداهوم
حطات يديها على كرشها تاتمسدها ورحيل مبسمة تاحسات بيهوم ضربوها تاني بشوية وتانيرت كمشات عويناتها وضحكات:هانتي على وريقة لحناا دجداهوم حسو بيهاا الله يحفظهوم لياا ياربي ويجيبوهوم على خير ويخلي ليا ماماهوم تاهي
رحيل:آمين سمعتي طبيبة قالت ليا دخلت فالشهر الخاامس باقي لياا ربع شهوور ومن دابا تقلت
تانيرت:اييه ابنتي رااه التوام صعااب فحمالتهوم ربي معااك ابنتي
تحل لباب ودخل إدريس مبسم بحناان وعينيه على رحيل لي تاهي تبسماات ليه ومدات يديها تاشدها وباسها بحنية:مزيان افرحتي اللولة
رحيل:اه مزيانة
إدريس:(شاف فتانيرت)ممحتاجين والو مزال
تانيرت:لا لاكلشي عندنا غير سير راه مشى لحاال
إدريس:(باس جبهة رحيل وقال)أنا مشيت افرحتي اللولة
رحيل:بسلامة طريق السلامة
خرج وتبعاتو تانيرت ورحيل تنهدات وعقلها رجع تاني يخدم ويفكر تابانت ليها مها رجعات تبسمات ليها وجلسات فوق الفوطوي خدامة بتلفونها بينما رحيل غمضات عينيها باش تنعس... مدة طويلة وهي على ديك لحال تاسمعات حس مها تقطع وحلات عينيها لقاتها نعسات ومغطية فوق لفوطوي والضووء مشعول خفيف جنب رحيل...تنهدات أو وجهات عينيها لسقف ملات من هاد النعسة ولكن ماعندها مادير ضروري ماتبقا مرتاحة على قبل عسيلاتهاا... حطات يديها تاني تاتحسسهوم تاحسات بنغيزة خلاتها تبسم وسط همهاا...تقادات فالجلسة متكية على لمخاد وخدات ديك لاجوندا ديالها حلاتها...كانو بعض لوريقات عمرو حيت كل ليلة كانت تاتكتب فيهاا...حلات صفحة خاوية وكتبات تاريخ ليوم وسمحات ليديها تسرح فديك الصفحة كيف كل ليلة...
****
قرعة دالشراااب فوق الطبلة قربات تخوى ولكااس جنبها...هزو ونزل عليه كولو وضرب بداك لكاس فوق الطبلة... هز تاني ديك لقرعة وكب منهاا فلكاس عاد هزو ورجع تكى راسو لور وغمض عينيو كيضحك بسخرية على راسو وعلى زهرو... باش يعيش التجربة زوج دلمرات كاانت قاصحة عليه بزااف...لخيانة فاش تيتعرض ليها لواحد تاتجيه قااصحة يتقبلها سوى لمرا سوى الراجل وديما كيبقاو يطرحو تساؤلات علاش أنا تخنت شنو عند داك لواحد وماعنديش أنا وهنا كيدخلو فمقارناات ماليهاا نهاية... كبراياءهوم ورجولتهوم تتقااص خصوصا الرجاال تيكون صعيب يتقبل فكرة أن مرتو ولاصاحبتو خانتوو وشحال من واحد كيطيح الروووح بسباب الخيانة وهو نيت كان غايديرها كون مجاااش محمد طه وفك وليد من بين يديه...زير على داك لكااس كيسرط لمرار لي فريقو وكايتفكر منظرها وهي واقفة معااه فقلب دارو ببيجامتها لخفيفة وشعرها السارد بلماا والشيطاان داير خدمتو كيوسوس ليه فديك اللحظة وبلاكلامها لي سمعها قالتو ليه كان كااافي يخليه يشك فيهاا وهادشي كولو كم وهضرة لكونسيرج كم اخر هو كيجي عندها وهي استغلات الغياب ديالو باش دير لي بغااات...شرب داك لكااس وهزو تال سماا ضارب بيه ومشتت داك الزاح فالأرض نزل راسو وشوية بداو كتافو يتهزوو كيبكي بحال شي دري صغير غوت عليه باه وضربو... كيبكي بحرقة عالله داكشي لي حاس بيه يتمسح تمنى تكون هادي حلمة خايبة يفيق منها ويلقاهاا جنبو ناعسة...نااض بخطوات تقيلة رجليه مهازينوش وتتبان ليه زوج زوج من لحاجة حيت سكر نيت بان ليه الجاكيط مليوح فالأرض قرب جهتو ومع بغا يتحنى طاح حيت داخ وجا مفرش فالأرض هز يديه بتقالة خدا تلفون وبقا تيقلب على نمرتها وحيت كانت اخر وحدة هضر معاها دغيا لقاها وبداك شوية دلوعي لي بقا ليه دوز ليها لخط وحطو على ودنيه تااتحل لخط وسمع صوت أنفاسها وهو ينطق بخفووت ولسانو ملوي عليه:علااش درتيهاا همم عمرري مااجرحتك من نهاار تزوجت بيك وأنا دايرك فعيني عمري خصصتك من شي حاااجة علااااش خنتيني
أسماء:(بصوت باكي نطقات وهي عرفااه سكراان غير من هضرتو لملاوطة) ماخنتكش عمرري فكرت نخونك علاش مباغيش تيقني
إسلام:(عقلو كان طافي كمل بحال لاماهضراتش) هرستيني اغزاالي (حرك راسو لا) كلكوم قح*بات مكيكفيكومش راجل واحد كايعجبكووم يكونو تابعينكووم بزاف يااك
أسماء:(عضات على شفتها ونطقات) نتا سكراان وهضرتك لي تاتخرجها من فمك غاتندم عليها
إسلام:غاندم على حاجة وحدة عرفتي شنو هي (نطق بخفوت قبل مايغمض عيني) حيت سمعت هضرة لواليدة وقبلت نتزووج بيك..
تقطع صوت إسلام عند اخر كلمة نطق بيهاا وغمض عينو ناعس وتلفون طااح جنبو والخط كان باقي مطلوق... وهي كانت تاتسمع صوت أنفاسو وعرفاتو نعس وبكل برود قطعات لابيل وحطات تلفونها فوق النموسية وعينيها كانو تيشوفو قبالتهاا...هضرتو لخرانية بدات تاضور فدماغهاا مخلياها تفكر الزربة لي زربها فاش خطبها خصوصا أنه عمرو بين ليها بلي باغي يتزوج بيهاا وهنا رجعات تفكرات لكلام لي كانت قالت لرحيل.. هي كانت شاكة بلي مو هي لي خلاتو يجي يخطبهاا... إحساسها ماخيبهااش وهاهو اعتارف بفمو وقالها ليهاا...واخا كانت شاكة ولكن حسات بشي حاجة تهرسات فيها فلداخل ديالهاا فاش سمعاتها من فموو... ناضت بشوية غادة جهة الشرجم وحلاتو باغاا تنفس حيت حاسة براسها مخنوقة... واخا راه الريح كيضرب فيها إلا أنها باقا مخنوقة حيت لخنقة كاينة عندها لداااخل.. مسحات دمعة نزلات ليهاا بزز منها وعضات على شفتها مبقاتش باغا تبكي حيت حاسة لبكا ماعندو فايدة ومغاااديش يصلح شنو طرا ويخلي إسلام يفهم أنها مخانتووش ولكن بان ليها طريقها طوويلة بزااف باش تبين ليها الحقيقة وخصوصا أنه رافض يسمعهاا...
***
صباح جديد شرقات فيه شميشة لي خلات رحيل تحل عينيها تاتكسل..سمعات صوت توشويش ومع ضورات وجهها لقات مها وباها جالسين تيفطرو..تبسمات بخمول ونطقات بصوت مبحوح:صباح الخير
تبسمو بزوح بيهوم وردو عليها وناضت تانيرت تعاونها باش تغسل وتقضي حاجتها..خلاتها فلحمام ومشات لصويك ديالها هزات لمسائل لي غاتحتاج ولحوايج لي غاتلبس ورجعات عندها باش تعاونها... وغير سالات خرجات رحيل بديك لبيسة لي لابسة ولي مبينة كريشتها تباركالله كبيرة...كانت كومبين فلبااج سخونة مع فولار ديالها فالنواغ وجاكيط خلاتها جنب...جات جلسات جنب باهاا وبدات تتفطر وهو كيصاوب ليها لخبز..
رحيل: وأخيرا غانرجع لدار
تانيرت:اوا على سلامتك ابنتي ولكن غايخصك تردي لباال لراسك راه سمعتي الطبيبة اش قالت
رحيل: أودي غير نخرج من هنا ويكون خير
فطرو مجموعين وجات طبيبة عند رحيل وعاود عطاتها نصائح قبل مايخرجو من الشومبر...مجرد ماوقفات رحيل قدام باب لكلينيك استنشقات الهواا وحسات براسها بحال لاكانت محبوسة فشي قفص وعاد تحررات...ركبو فطوموبيل إدريس لي تحرك نيشان لدار...كانو محمد طه وريان فانتظارهوم بحكم ريان شاد كونجي على قبل يديه لمگبصة ومحمد طه مامشاش وليل كولو وهوما يفكرو فمشكيل أسماء وماقدروش يقولوها لباهوم فلليل وأجلوهاا تال صبااح..
وصلو ورحيل نزلات وهي مبسمة فاش بانو ليها خوتهاا...عنقوهاا وهي تخشات فصدرهوم جايبة فشوشها على خوتهاا..
إدريس:(وجه هضرتو لمحمد) ماخداامش ليوم
محمد طه:مامشيتش
جلسو فالصالون كيستارحو ومجمعين شوية ريان ومحمد كيشوفو فبعض أو واحد فيهوم يقول لتاني بداا.. باهوم مكانش عارف بلي أسماء كاينة حيت ملي جا ليل تعشاا ومشى نعس وفالصباح فااق ومشى نيشان لسبيطاار وتاهوما مقالو والو بقاو ساكتين... لاحظ إدريس شوفات ولادو والتوثر ديالهوم وتاهو سكت خلاهوم ماسولش باغي يعرف واش غايدويو ولاغايسكتو... ناضت رحيل ومشات لبيت تبدل عليها وترتاح على مايوجد لغدا وبقاو بتلاتة بيهوم وإدريس جمع يديه وتحدر لقدام ونطق بدون مقدمات:اشمن كارثة دايرين تاني؟؟
ريان:(خرج عينيه) والله مادرت والو الواليد أنا بريء
محمد طه:الموضوع هاد لمرة متعلق بأسماء ماشي بينا
إدريس:(باهتمام) مالهاا ؟؟
محمد طه:(ماعرف ملين يبدا ونطق بهدوء) وقع ليها مشكيل مع إسلام لباارح عيطات ليا تتبكي ومشيت عندها
إدريس:(قاطعو)ونتا كدبتي وقلتي غادي عند صاحبك
محمد طه:حيت ماكنتش باغي نشطنك وأنا ماكنتش عارف ااش واقع قلت نشوف عليها كدبت الواليد (حك يديه مع بعض وكمل) ملي مشيت لقيت إسلام مشاد هو واحد خونا و(بدا تيعاود ليه شنو طرا بدون مايتعمق فهضرة إسلام لأسماء وداك لكلام لجاارح لي خرج من فمو وأيضا مقالش ليه على بلان الطلاق حيت عارف إسلام خرج ديك لكلمة وهو معصب وأكيد مغايديرهااش) هاداك خونا كان ديجا تيعرفها فاش كناا ساكنين فالربااط
ريان:(كمل) هي قالت ليا بلي ولى الشاف ديالها فلخدمة وكاان تيبسل عليها وهي هضرات معاه ساعة مافهمش راسو ونهار بغات تحط ديميسيون ديالها بدا كيهدد فيها بلي غايندمهاا وكان تيتبعها وتفاهمت معااه وتبريت منوو ساعة لحمااار ماتفك تاجبد ليها مشكيل
إدريس:(خرج فيهوم عينيه) هادشي كولو طاري ومخليني فداار غفلون وعااد جايين تگولو لياا اش كااين ملي طاح لفااس عالراس وكبر لمشكيل
ريان:ماقصدناش نخبيو الواليد حنا قلنا نحلو لمشكيل بلامانكبروه سااعة وقع لي وقع
محمد طه:كنت باغي نقولها ليك لبارح ولكن ملي شفتك جيتي عيان من السبيطار سكت وخليتك ترتااح
إدريس:(ضار فيهوم وهو معصب) ااش غاتحلوو واش بحال هادشي يسكتو عليه النااس هااا سكاتكووم فين وصلنا دابا نااض مشكيل وااش جاا مافكوو
محمد طه:(بتبرير)لواليد حنا مابغينااش نشطنووك وصاف
إدريس:اسيدي شطني واااش أنا شكيت عليكوم ؟ ديك الساع گول لياا اش كاين وخليني أنا عارف اش ندير...
تعصب عليهوم وتنيرڤى وضار فيهوم ضورة خايبة خلاهوم غير ساكتين ومهبطين الراس.. حيت بصح لموضوع كون تقال ليه فلبداية يمكن مكانوش غايوصلو لهاد لمواصل وكان غايفكو هو بطريقتو وأكيد واحد بحال إدرييس لي عاش تجارب كثيرة فلحياة غايعرف كيفاش يحل هاد لمشكيل بلاتعقااد... ولكن دابا لموضوع كبر وناضت لخصامة بين بنتو وراجلها ولمشكيل هناا السيد سبق ليه وعاش تجربة مكفسة.. واخا محمد طه مقالش كلشي ولكن هو راه فاهم اش كاين...جات تانيرت وصداعو وصل لعندها لقاتو شاعل عاقد حجباانو الغلاااض الكوحل أو وجهو حمر غادي جااي ومحمد طه وريان جالسين فالسداري مهبطين الراس وهي غير شافتهوم عرفات شي زبلة دايرينها بزوج..
تانيرت:اش واقع إريس مالك تاتغوت
إدريس:(ضار فيها تاهي) لي عندو هاد لكوااارث فالدار راه ماشي غير غايتعصب راااه غايهز بگااجو ويزيد خلفة (شاف فيهوم) عند بااالكوم رااه كبرتوو وكل واحد كيبغي يحل مشاكيل لرااسو وأناا شنوو دوري فحيااتكوووم هااا وليت مامعمرش ليكووم لعين وگلتو هاااداا صافي كبر وشرف وغير كيهتر اسيدي ماحدي عاايش اناا بااكوم ومن حقي نعرف مشاكيلكووم ملي دفنوني ديروو مابغيتوو ديك الساااع
ناضو ريان ومحمد طه بزوج جهتو وشدو يديه باغين يبوسوهاا وهضرتو زعزعاتهوم وماحملوش راسهوم حيت هوما مكيتخيلوش حياتهوم بلابيه...اه بصح كبرو وكل واحد عندو أسرارو ومشاكيلو لي تيحاول يحلهوم بلامايخليو باهوم يعرف ولكن يستحيل يتخيلو راسهوم شي نهار بلابااهوم...
ريان:(تيبوس كتفو) الله يطول فعمرك الواليد ماتقولش هاكا نتاا راه ساسنا
محمد طه:(شاد يديه كيبووس فيها) عمرناا نتخيلو حياتنا بلابيك الواليد بصح كبرنا ولكن حناا صغاار بلابيك
إدريس:(حاط يديه على كتافهوم ونطق بصوت رزين) ماحدي عاايش عمركوم تخبيو عليا اش ضاركووم سمعتوو أنا هناا بااش نريحكووم ونهز عليكووم تقل ماشي بااش تخبيو علياا اااخر مرة هادشي يطراا سمعتي نتااا وياااه هاد لمرة غانميك ولكن لاعاودتوو درتووها بربي لادوزتها ليكوووم...فين أسماء؟
ريان:فبيتهاا
خلاهوم وطلع لعندها وتانيرت لحد الآن باقي مافهماات اش طااري تاعاودو ليها وهاد لمرة قالو ليها كلشي وهي غير حالة عينيها تاتسمع ليهوم مصدومة وعارفة قصة وليد حيت أسماء ديجا عاودات ليهاا...
وصل قدام باب بيتها وتنهد قبل مايدق لباب ويدخل بانت ليه واقفة قدام الشرجم باين فيها ساهية حيت ماحسااتش بيه تاوقف وراها وحط يديه على كتفهاا تاضارت وغير شافتو عينيها تغرغرو وتلاحت على صدرو معنقااه تاتبكي لبكاا لي كانت حابساه وهو عنقهاا تايتنهد...بكات وفشاات لي فقلبها وهو مخليها على خاطر خاطرها ماسكتها ماسولهاا تاسالات عاد جا وقت لكلام..جرها لجهة النموسية وجلس مجلسها جنبو ونطق بهدوء:عاودي ليا كلشي
تنهدات قبل ماتبدا تعاود ليه على وليد واخا حاولات تعاود غير لي مهم بلا ماتجبد سيرة آدم وسيرة الرهان حيت مباغاش صورتها تزعزع فعين باها وزيد كتحتارمو وداكشي مخصوش يتقاال... خلاصة هضرتها عليه بلي كان معجب بيها وهي عرفاتو مزوج وكيضحك عليهاا وفاش وجهاتو مانكرش وتفارقات معاه وإدريس هي تتعاود وهو كيتفكر ديك السمية سبق سمعهاا وشوية دارت طرن فعقلو وتفكر نهار تلاقى معاه فلكاافي وطلب يديها من عندو وعرفوو... قالت ليه على مشكيلها مع إسلام وكيفاش ماتيقهااش ومبغاش يسمع ليها..
إدريس:(شاف فيها مكمش حجبانو) علاش ماجيتيش قلتيها ليا؟
أسماء:(نزلات راسها وهي حشمانة)مكنتش تانظن غايوقع هادشي كامل وتانهار لي كنت باغا نقولها لإسلام هو كان مشى لگازا عند مو وماقدرتش نعاود ليه فالتلفون وقلت نخليها تايرجع ساعة هادشي لي طرا..
إدريس:نتي عارفة راجلك منااش دااز وعارفة بلي أي راجل كيفما كاان لادخل ولقى راجل خر فقلب دارو مع مرتوو كيفاش غايفكر وشنو غايدير؟؟ (تنهد وناض) أنا غاندوي معااه ونشوف أخرة هاد لمشكيل فين غاايوصل (بقات فيه ومبغاش يقصح معاها...باس راسها وقال) كانعيشو غير لي مكتب لينا مولانا ماتنساايش هادشي
خرج مخليها كاتزفر براحة بحال لاكانت هازة جبل فوق كتافهاا ودابا زاح وحاسة براسها خفافت...لهضرة مع باهاا فادتها بزاف وعارفة بلي هو مغايتهنى تايحل لمشكيل وكيف قال ليها هادشي لي كانعيشووه مكتب لينااا...
**
كيحل عينيه ويسدهوم وراسو حاس بيه بحال لبيضة لخاسرة غايتشق بالصداع.. ضور راسو تايشوف فين هو ولقى راسو ناعس فالارض فلكولوار..ناض تايمسح عينيه ويمسد جبهتو والسينتة ديال شنو طرا لبارح تاترجع دقة دقة زفر النفس بعصبية عاد بدا ينووض بتقالة هز تلفونو وجاكيط ومشى بخطوات تقيلة جهة بيتو مع دخل ضرباتو ريحتها لي خلاتو يكمش حجبانو ساخط.. دخل لحمام دوش وصحصح وخرج لكوزينة يوجد كاس دلقهوة قاصحة باش يتوگض ونيت تحيد عليه وجع الرااس...خرج لصالة بان ليه لكاس مشخشخ والقرعة دالشرااب فوق الطبلة هزها ولاحها وجا جمع الزااج ومع بغاا يرجع لكوزينة سمع الدقان فلباب..كمش حجبانو ومشى حل لباب ولقى إدريس واقف بشموخ كيشوف فيه بنظرات هادية..
نحى إسلام من جهة الباب ودخل إدريس بدون ماينطق بتاشي كلمة داخل لدار وعينو تايشوفو فلبلاصة بهدوء تاوصل لصالة وجلس وموراه كان إسلام لي مشى طفى لماشين دلقهوة وكبها فطاسات وجا هازهاا ونطق بهدوء:مادرتش ليها السكاار
إدريس:مجايش نشرب لقهوة جاي ندوي معااك فموضوع نتا عارفو
إسلام:كانسمعك اعمي
مقدرش إسلام ينطق بشي كلمة ماشي تال لهيه حيت كيحتارم إدريس بزاف... عليها فضل يسكت ويسمع ليه..
إدريس:بنتي عاودات ليا كلشي وماجيتش بااش نلومك حيت أنا عارف بلي أي راجل كان بلاصتك غايتصرف نفس التصرف مساهلش تشوف راجل غريب فقلب دارك ومع مرتك أكيد غاتفهم غالط وغاتعصب دمك غايفور ومغاتحكمش فراسك ولاماحضرتيش عقلك فكون أكيد غاطيح شي روووح (شاف فيه ونطق بمعنى) وخصوصا نتا سبق ليك ودزتي من نفس التجربة وتغدرتي من عند نااس قراب ليك تافقدتي التقة ومرضتي فصحتك
إسلام:(زير على يديه ونطق بصوت قاصح) عمي إدريس
إدريس:(كمش حجبانو وقاطعو) هضرتي قصحاتك حيت فكرتك فشنو طرى معااك شحال هادي يااك ( تقاد فجلستو) عرفتي علاش حيت عمرك ماقدرتي تنسى مافات وتكمل حيااتك عادي باقي لدااباا كاتفكر ديك الشمتة فيما تسمع بسيرتهوم وفااش تحطيتي فموقف بحال لي تحطيتي فيه لبارح عينيك تعمااو
إسلام:شنو بغيتي ندير نصفق لبنتك حيت دخلات عليها داااك لقواااد لداار وراجلها مكااينش؟ شفتهااا بعيني واقفة معاااه وسمعتهاا بودني تتقول ليه مابقيتش باااغااك اش بغيتي ندير ليهااا نجي نعنقهاا راه ملي مادزتش عليها بموس حاافي تحمد لي خلقهاا
إدريس:غانعاود نقولها من حقك تصرف بداك التصرف فديك اللحظة حيت غاتكون معصب والعقل مكيحضرش مني وجيد أنا لي كبرت وشرفت كون تحطيت فموقفك غانتصرف بحاالك ولكن فاش غانجلس مع راسي غانخدم عقلي وغانحاول نفهم ماشي نجي ونحكم بلامانسمع ونظلم النااس ماشي حيت بنتي راه جااي فصفها لا حاشا أناا جااي فصف الحق ومعتاارف بلي بنتي غلطاات فحوااايج ولكن مغانكرش بلي تانتا غلطتي
إسلام:(شاف فيه بتساؤل)غلطت فااش دافعت على شرااافي
إدريس:حضر عقلك معايا الله يرضي عليك وفكر بلعقل عمرك جلستي مع راسك وقلتي خصني نسى مافات ونكمل حيااتي عاادي (هز يديه قاطعو فاش بان ليه باغي يهضر) سمعني وديك الساعة ارا ماتقول عارف بلي مادوزتيش لقليل صعيب تغدر فلي كنتي تحسبهاا مرتك تاأنا راه بحالك وتغدرت فيهاا أنا لي عشت معاها سنين عمري باش نعرف بلي كنت ساكن مع لفعة ماخلات مادارت ونتا راه عارف مانحتااجش نعاود ليك ااش طراا وعارف بلي فقدتي كبدتك ومكاين ماصعب من حر الكبدة أناا راه عشت نص عمري ومعارفش واش عندي ولد ونتا بنتك الله يرحمها مشات لبلاصة لي حسن ليها من هناا مشات لعند لي خلقهاا هي ملائكة مشات لبلاصة لي تليق بيها يمكن كون بقات عايشة كانت غاتعدب مع ديك لمرا لي حاشا واش تستاهل تكون أم... بعض لمرات ربي كياخد منا لحااجة لي كانبغيو ماشي باش يحرمنا ويعدبنا لا ولكن حيت عارف ديك لحاااجة لابقاات يمكن تأديناا ويمكن تأدى هي نيت وعسى أن "تحبوا شيئا وهو شر لكم وعسى أن تكرهوا شيئا وهو خير لكم" نتا قاري وفاهم مكاين لاش نوضح ليك... لأجل دبنتك وصل وشكون حناا لي نتقابحو مع لي خلقناا حاشا لله حنا عبد مأمور وخصنا نرضااو ونحمدو الله على كل حاجة عطانا وكل حاجة تخادت منا ماشي نبقاو حياتنا كلها تانبكيو على مافات ونضيعوها فحاجة عمرها ترجع وهادشي هو لي نتا كاديرو سنين فاتو ونتا باقي مانسيتي وماباغيش تنسى (تنهد) شوف رحيل منااش دازت فزواجها بداك لحيوان وشنو عاشت فيه وكيفاش كانت بنتي نهار لقيتهاا كانت بحاال لميتة خرج على صحتها وعلى عقلها تاكانت غاتحمااق غير ربي لطف وهي دارت مجهود باش تنسى واخا خدات وقت طويل ولكن دارت لي عليهاا ونتا هادشي لي خصك ديرو نرجعو دابا لموضوعناا أسماء عاودات ليا وهاداك عارفو شكون هو سبق ليه وخطبها من عندي زمان وكون كانت بنتي باغاه كون راه دارو الدراري منساهااش وهادشي ماشي دنبهاا ااه غلطات حيت خباات عليك فااش خدم معاهاا هناا وفاش عاود رجعات تلقاتو ولكن مامنحقكش تلومها على حاجة دارتها زمان ونتا ماكنتيش فحياتهاا
إسلام:فنظارك داكشي لي دارت بنتك سااهل نتا معااارفش لعافية لي شاعلة فياا هنا كلما تفكرت كلامها ليه ولمنظر لي شفتو بعيني (نطق بحرقة) علااااش كدباات وخباات علاش مجاتش قالتهاا لياا كنت أناا غانحبس والديه ومانخليهش يحل فمو عليها وكنت غانتفاهم مع ملتووو مزيااان ولكن هي خباات حيت خافت عليه وحيت فيها لغدر..
إدريس:(خنزر فيه ونااض واقف وبصوت بارد نطق) لكلام معاك دابا بحال لاكاتكب لماا فالرملة باقي معصب ومانلومكش برد وجلس مع راسك وفكر مزيااان ومن هنا لديك لوقيتة بنتي غاتبقاا فدار باهاا معززة مكرمة ملي تفكر وتقرر اش باغي عارف فين غاتلقااها..
رمى عليه الشوفة اللخرة قبل مايخرج من الدار مخليه شااد راسو بين يديه عقلو دابا طاافي ولغضب والشك وقلة التقة هي لي غالبة خصوصا داكشي لي شاف ولي سمع من فمها خلاه يتعمى...
يتبع...
التعليقات
لا توجد تعليقات بعد، كن أول من يعلق.